صديقتي وصديق المسنجر

سلام عليكم
اريدكم تشاركوني بمشكلة ربيعتي حبيت اعرضها لها وارجوكم الي عندها كلمة طيبه او دعوه طيبه تقولها واذا لا تصمت وجزاها الله خير ارجوكم ردو بالصدق مش بالمثاليه يعني راعو انها انسانه مش بس زوجه واتمنى منكم دعاء لها بالخير

شوفن ربيعتي كانت ادش النت من حوالي 8 سنين تقريبا وعمرها ذاك الوقت يعني 20 يعني ايام الجامعه عرفت الشات وعرفت شاب من النت وما كانت تدش بروحها مع ربايعها وهي مخها عود يعني يدشن الشات يلعبن ويطلعن وانتهت السالفه اتعرفت على شاب من الامارات كان يشتغل في الخارج بصراحه صادق ما جذب ولا في شي واضح محترم اقصى درجه ما جد غلط في شي او طلب هو اكبر عنها يعني بوايد يعني الحين صاك اخر الثلاثين بعد
عقب قالت لربيعتها اتعرفي عليه وبعد ربيعتها اتعرفت عليه يعني هيه فاهمه ان الشباب لعابين وخراطين فعقب قالت هي وربيعتها له انهن سون فيه مقلب وضحكن وانتهت السالفه عقب فتره طرش لها ايميلات بين فتره والثانيه وهي تغلس عليه وماترد او ترد عقب فتره طويله وتمت الامور هشكل لمده من الزمن مش اكثر وهو راح من بلاد لبلاد ثانيه وثالثه ومرات تلقاه بالصدفه في المسنجر
ويسولفون وكل حد يروح في حاله في مره قالها في حد مطرش لي اغنيه فهي حبت تسوي مقلب وتعرف اكثر قامت طرشت اغنيه ما ادري اذا تذكرون الخدمه خدمة 9000 الي تطرشين ولا ينعرف الرقم المهم هي عبالها ذكيه عشان تسحب منه كلام اتصلت المصيبه ظهر رقمها البنت استخفت يوم قالها ان الرقم بين وعقب قالها انه ما بيضرها ولا شي وهي فهمته ان الفضول هو الي دفعها وابتعدت عنه كليا المهم خلال فتره اقل من السنه هاي البنت عرست زواج تقليدي مرت فيه وايد مشاكل لكن تحملت وتصبرت عشان ع قولتها الحرمه مش كل يوم لها ريل المهم في اول فترة عرسها لقت الاخ مطرش ايميل ان ابوه توفى وفعلا ابوه توفى لانها تعرف بيانات شخصيه عنه بس هو ولا يعرف عنها اي شي ابد الا الاماره الي هي منها بس فردت عليه تعزيه ومرت الايام ع هاي الحاله وسمعت عن عرسه وبالصدفه عقب سنه وشوي من حرمه راحت عرس اخت الحرمه سمعت انه طلق زوجته ليش الله يعلم بس خلاف بينهم وما قعدو مع بعض اكثر من شهر طااااااااافت الايام طرشت ايميل تبا تعرف عنه وشو الي صار وخلاه يطلق وبالصدفه رد يعني الرد هب عقب يوم يمكن عقب شهرين ولا ثلاثه يعني هم مش دوم يتواصلون اقدارهم دوم تعاكسهم المهم رد عليها وشكرها ولقته في المسنجر وقعد يسولف
هي ما تعطيه اي معلومات عنها بس الظاهر انها كد قالت له مره انها عرست وعندها بيبي بس الظاهر هو متذكر بس مش متاكد لقته اكثر من مره فس المسنجر عقب السوالف يسألها اسئله شخصيه ما ترضى تجاوب طلب منها اكثر من مره الموبايل هي مش مقتنعه وتقول لها يعطيها اسباب تخليها تسوي ها الشي لانها يوم كانت صغيره وياهل ما قدر يقص عليها الحين وهي كبيره وعندها مسؤوليات بتسوي جذيه هو يلح عليها وياكد لها انه بس بيطرش مسجات وهي والله العظيم انها انسانه محترمه وفوق الاحترام بس دوم تحن لهذا الشخص بدون سبب حتى لو يغيب سنين تدعي له بالخير وله مكانه في خاطرها مع انه يعني هي عارفه ومتاكده من انه مثل الباقين الي في الشات لعابين ويحبون يصفون البنات عندهم في المسنجر ويكلمون الف وحده وهي انسانه عاقله مصليه الاذكارو ورد القران اليومي وصيام التطوع وتحب ريلها بعيوبه و2 عيالها وايد بس تقول ها الشخص ارتاح له ليش ما اعرف من الله وكل تفرقنا الايام اذكر بس الاشياء الزينه فيه وعلى فكره يعني تسمع اخباره من الجرايد او هشكل لانه مرات بناء على عمله يطلع في الجرايد وهو للامانه ما كد ضرها وهي ما تبا اي شي بس تحب تسمع عن اخباره وتطمن عليه والحين هو قالها اذا ما عطيتني الموبايل يمكن ما تشوفيني ع المسنجر بس هي كالعاده قالت انا متعوده اني ما القاك وقبل انت كنت تسال علي وانا ما اسال بس الحين الايه انقلبت هي ضميرها وايد يأنبها تخاف من الله ومن ان الديان لا يموت والدائن يدان هي تحس انها ما تضر حد بس تحس انها تغلط في حق نفسها لانها عمرها ما سوت ها الشي الا هو الموبايل وها السوالف بس تسلية شات ايام قبل وفتره وانتهت بس ظل هذا الشخص الي دائما في ذاكرتها وما يموت شو تسوي
هل اذا عطته الرقم واسقبلت مسجات بتكون غلطت غلطة حياتها ولا تعتبر ان المحبه من الله والله ستار على عباده والله انا ما اعرف شو بقول بس انا اعرفها زين زين انسانه محترمه والكل يشيد فيها واخلاقها فوق الوصف ودينها الله الي يحاسب بس انا اشهد لها بس هذا الشي الوحيد الغلط في حياتها والله هذا هو الشي الوحيد الله يعينها يا رب ويستر عليها لانها تستاهل كل خير

يله نقلت لكم قصتها ع كثر ما قدرت اوصف ارجوكم ادعو لها بالخير والستر ومن فرج على مسلم كربه فرج الله عليه

الله يستر عليها الوحيييييييييد لي سوته انه ماعطته رقمها لانها بتخسر الريل اللي معها لي سترها وابوعيالها عشان انسان ماتعرفه البنت دامها مستورة ومعها ريلها اكييييييييييييد مايهما الا ريلها وسرتها اهلها وعيالها وهالريال ماعتقد مهم بس تحاول هالبنت تبتعد قد ماتقدر عن المسنجر لي يواصلها وياريال مجهول صحيح عرفت عنه كل شيء ع قولتج بس ماعتقد يهمها كثر ريلها لاتعلق وتخاف عليه هي بصوب وهو بصوب واللللللللله يستر عليها وعلييييييييييه في دنيا وااااااااااااااااااااااااااااخره خلها مع لي اقرب منه اما الغريب تبتعد عنه لانه حرام سموحه اتمنى وفيت بردي8_8

بسم الله توكلت على الله…..
سمحيلي أكون صريحة و بعيدة عن المجاملات ..
و الله يا أختي تقولين أنه ربيعتج ما تضر حد صح ؟؟؟ بس سمحيلي أقولج أنه ربيعتج هذي مهمها كانت
محترمة مثل ما تقولين ما كانت سوت هذا الشي هي تخون دينها و ريلها و الله يمهل و لا يهمل…
و لو كان الأمر مثل ما تقولين ما تضر حد خليها تنادي ريلها و يقعد عدالها و تقوله تعال شوف منو أكلم
على المسن أكيد بتقولين هذا الشي مستحيل ..ليش مستحيل ؟؟؟أنا أقولج لأنه إثم (والإثم ما حاك في نفسك، وكرهت أن يطلع عليه الناس".
لا يغرها ستر الله عليها…و إذا الله سترها في الدنيا للحين أحسن لها تبطل سوالف خفة العقل و تداري ريلها
و عيالها..بدل ما تدمر بيتها و بيت غيرها بيديها ..
و بعدين هذي خطوات الشيطان و الله قال لا تتبعوا خطوات الشيطان ما قال لا تتبعوا الشيطان..
و بعد الله قال ( و لا تقربوا الزنا ) ما قال و لا تزنوا لأنه الزنا مستحيل يكون بدون خطوات فمن خطوات
الزنا هذي اللي نشوفها اليوم …نسأل الله السلامة و العافية…طبعاً هذي مجرد أمثلة…
و أقولج ترا ربيعتج مب صغيرونة و تقولين أنها تخاف الله..فخليها تبعد عن هالخرابيط خير شر..
و بعدين عن هالريال لو كان مب مال لعب و خرابيط ما كان كلم بنات الناس بدون خوف من الله
و بعدين هذا خااااااااااااااااين بكل معنى الكلمة يعني لو فيه خير ما كان تكلم مع بنات و هو شخص
عود حتى الشاب أصلاً ما يحل له هذا الشي…و لو كان فيه خير ما كان طلب رقمها و هو يعرف
أنها وحده متزوجة يعني هو في النهاية ما بيخسر شي لو لا سمح الله تدمر بيتها و أنتي تعرفين
في مجتمعنا كيف الوحده تصير بعد ما ينفضح أمرها حتى لو كانت شريفة يسدها نظرات الإحتقار
من عيون الأهل و شوف مصير عيالها اللي بيكبرون و يعرفون أنه أمهم كانت تخون أبوهم (سمحيلي هذي فعلاً خيانة)
…و بعدين مهما طلع نفسه صادق هو ما يخاف الله باصراره على طلب موبايلها..تراه الرياييل
يحسنون تصنع اللطف و بعدين شدراج أنه ما عنده قائمة بنات في المسن ؟؟؟؟ و ربيعتج هذي
احتمال تكون وحده من قائمة البنات…و الله أعلم..و لا تقولين مستحيل..كل شي جايز..

و الله شي يقهر بصراحة …الأيام تثبت أنه بعض البنات بعدهن ما استفادن ما تجارب اللي قبلهن
و بعدهن يعيشن في الأوهام و الأحلام الوردية…و لا حول و لا قوة إلا بالله..

* نصيحة أخيرة : أذكرج لو كنتي ربيعتها و تخافين عليها خليها تبعد عن هالسوالف و من ترك
شيئاً لله عوضه الله خيراً منه..

1- لا يصير هاي العلاقة للعزباء لان كلها مصخرة و كلام فاضي

2- هي بعد متزوجة و عندها عيال يعني الله يعين بس

عقلي ربيعتج قبل ما تخسر بيتها وزوجها و عيالها و سمعتها و اهلها ………………………

الصرااااحه ما فهمت القصه زين احسها ملخبطه ومش مفهومه

كيف تقولين انها دقت عليه بالغلط ووعدها انها ما يضرها

وعقب تقولين يترجاها تعطيه رقمه

وبعدين عيب عليها تسوي جي وهي بعقلها ومعرسه وعندها ريل وعيال….

ولو اللي تكلمه رياااااااال …..ما كلم بنات الخلق وهن معرسات

والسموووووووووحه بس خليها تودر سوالفها ولأ تقول لريلها

لا تعطيه الرقم لا تغلط وتمشي بالمحظور هي غلطانه بتواصلها معاه سابقا لكن تتوسع الدائره بتنفضح لأن الله ستر عليها وأمهلها لكن ما بيهملها عليها بالتوبه وكثرة الدعاء بكل فرض إن الله ينزع حب هذا الشخص من قلبها وتكثر من الإستغفار والذكر
وهذا الطريق هو حبائل الشيطان