بنات انا مشكلتي مشكلة ويال الحسد مع اني اقرى على عمري
احس ان في حد حاسدنا انا واربيعتي ,, الحمدلله انا واربيعتي اشتغلنا ويا بعض في نفس المكان,, ونحن صديقات من ايام الطفولة
المهم تدرون من اول ما اشتغلنا من 3 شهور لين اللحين سوينا 3 حوادث
والله يابنات كل حادث اخس عن الثاني
اول حادث كنا رادين من الدوام وكنا رادين في سيارتها ودعمنا واحد وقعدت السيارة مدة في التصليح وهي وحلليلها سيلرتها يديدة 2024
وعقبها شريت انا سيارة يديدة وما مر شهر ونص الا داعمتني ترلا كبيييييييييرة اللي لها قسمين في معبر الخليج التجاري الدعمة صارت على يمب ونطت السيارة ودعمتني سيارة ثانية من ورااا ( يعني الحادث كان كبير والحمدلله ان الله سلمني) بس شو سيارتي فديتها اتعورت واااااااااايد ولين يومكم هذا في التصليح لان الاضرار كبيرة ,, وماتهنيت في السيارة لااسف
بس ما اقول غير حسبي الله ونعم الوكيل في اللي كانو السبب في الحادث والله ما بنسى ها الشي طول حياتي وبيتم في قلبي ,, وحسبي الله علي كل حاسد
ومن يومين ربيعتي سوت حاااااادث وسيارتها خلاص تقريبا بتتكنسل لانه مابقى شي صاحي فيها
وسيارتها كانت الوحيدة اللي توصلنا للدوام خصوصا بعد ما اندعمت سيارتي
بنات ما تلاحظون اللي قاعد يصير غريب وان في تعاقب في الاحداث مرة انا ومرة ربيعتي
انا راضية بحكم الله وعلى كل مصيبة اقول الحمدلله , ومب من النوع اللي يجزع من رحمة الله
بس بنات شووورو علي شو اسوي مع اني اعرف اسوق والله كرهت السوااقة والحوادث اللي صارتلي مب انا اللي دعمت هم اللي يدعموني
لكن الحاث اللي صار لسيارتي العزيزة كانت بسبب السرعة مع اني مب متعودة اني اسرع ابدااا والله ,,,,,,,,,, بس الله يسامح اللي كانو السبب
اقري آية الكرسي يوميا الصبح اول ماتنشين من تقولين اصبحنا واصبح الملك لله اقريها
وبعد صلاة العصر
وفليل
وان شالله مع الاستمرار والممارسه بتتعودين
والله يبعد عنكم عيون الحسد
ان شاء الله بسووي اللي قلتوه
والله يبعد الشر عن اليميع
شو هالناس اللي ماترحم …. وانا بعد شراتج كل حد حاسدني لاني ارقد
عفاان الله شفتي حد يحسد عن الرقاااد
كله ايقولولي يالرقاااده انتي وايد ترقدين … واقولهم قولوا ماشاء الله
ايقولولي مابنقوول ماشاء الله
بنقوووووول عفاان الله …. مع اني والله مارقد وايد
وان رقدت اغفل ساعه وانش .. والحين قاموا يحسدوووني ع الاكل
عفان الله ياربي … ايقولولي انتي وايد تاكلين …
مع اني مب متينه جسمي عااادي … بس من ايشوفوني اكل اي شي ايقولولي انتي وايد تاكلين
على كل شي بيحسدوووووون الحين قمت ماطري جدام حد موضوع الرقااد وماكل جدام حد …
مع اني والله دووم تعباانه وضغطي منخفض لاني ماكل شي …
بس هم الناس من كلت شي بسيط قالوا انتي وايد تاكلين
الله يعينا عليهم
الغالية اكثري من قراية القرآن الكريم واتحصني بالاذكار …
بس الحين خلاص كله ناخذ مستعمل فكينا عمرنا من الناس وحسدهم صدقيني مره حرمة حميي قالتها في ويهي سيارات الوكاله مخلينها لج ولعيالج نحن مالنا نصيب فيها وتصل ولدها في ولدي وخذ يسارته حتى يتمشوف فيها باليوم الثاني رجعوها وطلع ولدي فيها في نفس الوقت سوى فيها حادث انا عاد عرفتها انه عينها اتصلت فيها اقول لها شو رايج في السياره انبسطي فيها قالت هيه شو رايج تقلطينها علينا انتو ماتحتاجون عندكم استيشنات 2 اعطونا واحد يالله ياحسد وين يودي قلت لها هي في عينج عيل لبشرج الولد سوى فيها حادث من رجعتوها وسكتت مره وحده حتى ماقالت الحمدلله ع سلامته الله يكفينا شرهم يارب والله يبعد عنج الحسد استحيطي ع نفسج وتحملي تقولين شي لناس عن علاقتج بربيعتج حتى الصداقه يحسدون عليها اعوذ بالله منهم وان ياج خير خليه بين نفسج وبينج ماتقولين لحد موليه
حتى اللي بينج وبين ربيعتج من حب وموده لاتبينينه لحد حتى اقرب الناس لج
الله يبعد عنج وعنا الحسد يارب