يالغاليه الوساوس من الشيطان فلا تعطينها اي اهميه ولا تسمعين الها حتى
كل ماياج وساوس حاولي تشغلين نفسج وما تسمعين لها وتعاندينها يعني مثلا
قمتي من النوم عشان تتاكدين ان الباب مغفول فلازم اول ماتقومين تطنشين هالوساوس
وتكملين رقادج من دون ما تسيرين وتتاكدين وتتعبين نفسج على الفاضي قولي
شو استفدت يوم سعمت الا الخوف والوهم باي موضوع كان وخاصه زواجج
لاتخلين الوساوس تخوفج وتحرمج من احلى ايام واحلى فرحه بعمرج
طنشي لاتسمعين الها اتوكلي على الله بكل شيء وقل لن يصيبنا الا ما كتب الله لنا
ولو جفتي نفسج لا امل منه مافيه عيب انج تتعالجين نفسي والعيادات سريه تامه
والله يخرجج من الي انتي فيه ولا تتعبين نفسج بكلام ووهم لايقدم ولا يأخر
وهذا يوم وبيسير لحالا لا تمين تسوين جذي وتخربين اجمل ايام حياتج
خليج شوى واثقه من نفسج وصلي وايد بخشوع واقري قران والله بتحسين بالامان كلا
والله يوفقج ان شا الله
قال تعالى ( وَإِمَّا يَنْزَغَنَّكَ مِنَ الشَّيْطَانِ نَزْغٌ فَاسْتَعِذْ بِاللَّهِ إِنَّهُ سَمِيعٌ عَلِيمٌ ).
حبيبتي إكثري من تعويذ من الشيطان ،،وإكثري من الدعاء ،، وقراءة القرآن …
وإذا شفتي نفسج موول موب مرتاحه ،، حاولي تبحثين عن طبيب نفسي وإتصلي " بس عسب تستشيرينه " …
لعلمج أنا كنت أعااااني من هالوسوااس عفان الله ،، والحمدالله ألحيييين أحسن بوااايد عن قبل ،، وصارلي " متزوجه من "12 سنه " إحم إحم قدييييمه … خخخ
الله يتمم عليج الملجه على خير والله يسعدج يااارب ،، والله يزيل هم الوسواس بإذن الرحمن..
عليج بالقرآن
ويارب يوفقج
وكل وحده اتمر بها… بس شكلج كتومة
عشان جذيه وسواسية… لازم ادورين حد يفهمج ما فيها شي تروحين عند ناس ثقه
واتقولين شوه سبب هالضغط ويعطونج علاج وتشجيع
الضغط النفسي سببها انج كتومة لا تكتمين الي في قلبج عبري حتى لو يبتي ورقة وقلم المهم عبري
ترى النفس تحتاج من يسمعها لا تجاهلين نفسج اطلبي المساعدة من أقرب الناس لج ويطمن قلبج من الوساوس