بس مليت من الاحمر والوردي بدرجاته وابي اغير وما اعرف شو اختار
اذا شريت لون فاتح وجربته علي ايدي يطلع وااايد حلو مثلا لحمي او اي لون فاتح مخملي بس يوم ارد البيت الاقيه نشاز على ويهي
واخر شي يتم مرمي
انا واايد تناسبني الالوان المخمليه والهاديه بس ما اعرف اختار
واحم احم حسب ميزانيتي ارواج ماك مناسبه
او اي ماركه سعرها مقبول
اولا لون بشرتي (12) او (13)
[IMG]
[/IMG]
تقريبا بس انا حاطه درجه اغمج شوي لاني من تجربتي احس الالوان الي تليق بالي درجتهم اغمج عن درجتي تليق لي اكثر وتكون احلا علي
هذا مثلا ربيعتي كانت حاطه روج درجة لونها حسب الصورة الي فوق (19)
وجربته طلع علي حلووو من صبايا الدرجه (21)
[IMG]
[/IMG]
اتمنى تفيدوني انا جربت الاحمر بدرجاته والاحمر العنابي يطلع علي حلو بس ابى اغير
والوردي بعد والفوشي والبرتقالي ما بقى غير الالوان المخمليه والي هي تناسبني
واذا بتخبروني بعد عن البلاشر انا لو شريت برونز ما يبان على ويهي ابد 
ماعرفت شو اختار والبرتقالي يطلع فاقع مو طبيعي
بليز خواتي خبروني باللون والدرجه واذا في صورة بعد اكون شاكره ويزاكم الله خير 
لا تحطين ع ايدج .. احسه يطلع غيير ع ايدج و غير ع ويهج ..
طرشتلج ويب سايت ع الخاص ..
جوفيه و بيساعدج عسب تختارين الدرجه المناسبه لج ^^
الافضل تجربينهم فالمحل مباشرة ع الفم لان اليد غير اكيد
اختاري اللي تشوفينه حلو وتحبينه عليج
مووووفقة