كرجي للعطور وباقي المحلات

شخباركن ..

الله يسلمكن الموضوع عن محل كرجي للعطور .. ماشاء الله يالس يتوّسع ويفتح في اكثر من مكان

اليوم كنت في الاتحاد مول .. ويا على بالي هالسؤال ..
ودوم اسير اشم ريحة العطور واطلع .. اتردد اشتري مع اني مب مهووسة عطور
يعني مب النوع اللي يفلت عشر فلتات .. ثلاث يكفوني .. خخخخخ
الا اذا العطر ريحته خفيفة ممكن ازيد شوي .. طبعاً هذا لو كنت في البيت او بسير بيت اهلي او عند ربعي
مستحيل اتعطر للدوام والسناتر الحمدلله .. الله يهدينا ويثبّتنا ..

المهم ..

هالمحل عنده عطور توم فورد اليداد والجدام .. عنده عطور كريد وعطور لاميسون اللي فيها فانيليا
عادةً المحلات العادية ما تكون عندها هالمجموعات !

وبعد ما كثر اللغط حول باريس غاليري .. ودرته وقمت اشتري من اريج عشان بطاقة امبر .. اضرب عصفورين بحجر
وفي بعض الاحيان اشتري من سيفورا .. او نطلب من المطار اييبولنا

انا من فترة طالبة عطور من موقع امريكي .. اسعارهن ارخص .. وعليهن عروض
ومع الشحن .. المجموع طلع اقل عن الاسعار من هنيه بشوي .. لأني بس كنت طالبة 3 ..
لكن لو طالبة اكثر بيطلع ارخص ..

واحد من العطور كان بلو لايت .. من دولتشي اند جابانا
طبعا ما كنت اعرفه قبل خخخخخخخخخخ .. بس شفت انه في اكثر من موقع ماخذ البيست سيلر
سرت شميته وعيبني جان ارجع اطلبه .. ريحته باااااااااردة .. ومميزة

المهم اليوم جيكت عليه عند كرجي ..
وشفت انه نفس الكود بار ..
بس الظاهر يبالي امر على سيفورا بعد هههههههههه .. حشى هذا وانا مب مهووسة وجيه !

وعطر بولغري بيتيت ات مامانس مال البيبيات .. مالقيته لا في سيفورا ولا باريس غاليري
اشتريته من أريج بـ 240 درهم ..
ومن الموقع الامريكي بـ 140 درهم .. ومع الشحن طلع بـ 170 درهم ..
الموقع وايدين يمدحونه والكل يقول عطوره اصلية سواء عرب او اجانب .. بس ما يندرى!