السلام عليكم بنات
شحالكم عساكم بخير
بدخل بالموضوع علطول
ابي صوالين حلوه وكشخه وعليها مدح بام قيوين
انا اصلا من دبي بس لااني بعرس بنتقل ام قيوين
ودام انه بيتي بيكون بام قيوين فقلت لاازم اعرف صوالينهم الراقيه اللي اقدر اسير لها علشان سوالف المنكير والبدكير و الحلاوة و مع سوالف قص الشعر والصبغ وحمام زيت و الميك اب للمناسبات الخفيفه
فابيكم اتشاركوني خبراتكم عسب استفيد وتفيدون البنات وياي
و ممكن اتحطون الحريم اللي ايون البيت بعد
واللي تقدر اتساعدني بكون وايد مستانسه وبدعيلها ^_^
ابيه يكون جي اذا ما عليكم امر
اسم الصالون:
الموقع:
الاختصاصات:
التقييم:
الاسعار:
رايكم:
الاختصاصات تكون كمثال الشعر صبغ و قص و تسريحات ميكب منكير والخ
وبس 
ويسلموووو مقدما لكل وحده بتساعدني
وبليز بليز يعني مابي سوالف موفقه و رفع والخ ابي ردود تنفع بليز 
واسمحولي …
أحسن صالون يشمل كل شي..
هوه إيمار سبا.. راقي وايد وإيونه من إمارات ثانيه
بديكير ومنيكير + حلاوه + سشوار وتساريح وقص
وفيه قسم للرياضه وحمام سباحه
وفيه قسم للمساج والفيشل
يعني كل شي تبينه بتحصلينه في إيمار سبا.. وخدماتهم كلها ممتازه… ما عدا الميك أب
فيه وحده اتحط ميك أب لكن ما أدري بيعيبج والا
وهيه الحنا بعد يمدحونه بس انا ما جربته