والله مب قااااااااااااااااااادرة اتحمل بمووت من الضيج احس اني بموت من البجي والصياح

السلام عليكم خواتي

انا الصراحه اول مرة اكتب بالمنتدى واستأذنت من صاحبة هالنك اني اسرد لكن قصتي و معاناتي اللي بجد بدت تهد كياني والف شكر لها فديتها …………
خواتــــــــــــي قصتي تبدأ اني انسانه مخطوبه و ادري انه من الغلط نكلم بعض فترة الخطوبه لكن هالشي متعارف عليه فعوايلنا و عايلتهم ,, من سنتين انا مخطوبه وهالأنسان اللي وياي ابدا ما قصرت معاه يا خواتي انا وااااااااااايد احبه و متمسكه فيه لأبعد الحدود ورجااااااااااائي خواتي انكن ماتقولن لي ابعدي شورن علي بشو يرده لي مثل ماكان … خواتي طول هالسنتين كانت علاقتنا من اروع مايكون و بالعكس كان دوووووومه يقول لي انا اخاف بيوم تتخلين عني لأني شارطه مابي ملجه لين آخذ الدكتوراه وباجيلي هالسنه بس وباخذها انشالله المهم هو من قبل حب وصارحني و قال لي انا حبيت من قبل لكن هن اللي بعدن و هدوني انا ظليت لوفي لآخر لحظه وياهن و قال لي انا اوعدج اني اكون لج وفي طول ما انتي وياي ولا فيه انسانه ثانيه تشاركج فيني وهو يا خواتي الوعد بالنسبه له شي كبير ودايما يستغرب من اللي يوعد و لا يوفي دومه يقول (( والموفون بعده اذا عاهدوا)) عنده مبادئ واااااااااايد حلوه وحببتني فيه اكثر واكثر وما انكر انه بدايه خطوبتنا كنت احس انه يمووووووووت فيني بس الحين خواتي احس مافيه اهتمام ويوم اسأله يقول لي اشغال و مب عارفه شو من هالكلام والمصيبه اني بطبعي وااااااااااااااااااااااااااااااااااااااااايد عصبيه اقل شي اتنرفز منه كل ما اسأله هذا عذرة عندي اشغال فلا ارادي اضطر اني انهد عليه بدون وعي فيقول لي انتي تسوين المشاكل من لاشي وايد تتبدعين في المشاكل ليش هالطبع النكدي اللي فيج مع اني والله ما اسوي مشكله من لا شي مثل مايقول بس ما بي احس روحي مهمله و يوم اسأله انت مليت تبا تفج عني قول يقول لي ليش وانا اللي اخلف وعودي ؟؟؟؟ اقول له انزين ليش هالمعامله ليش احس انك واااااااايد تحقر من اي شي اسويه لك وتصتصغره مهما كان كبير ليش دومك تحسسني اني تافهه و انك انت اللي اكبر عني بكل شي ليش احسك شايف نفسك علي ماكنت جيه شو اللي تغير شو سويت غيرك بهالطريقه ؟؟ خواتي انا وااااااااااااااااااااااااااايد دلعته و عزيته و سويت له اللي مايتسوى عشان يحس اني انا غييييييير عن كل اللي حبهن واثبت له اني بصدق احبه و امووت بتراب ريله ومالي غتى عنه ودلعته بطريقه مب طبيعيه حتى خواته لاحظن وامه وااااااايد استانست علي وتحبني وايد احسها مثل مطمنه على ولدها ويايه كل اللي تتخيلونه سويته له و عطيته له ووفرت له كل سبل الر احه و الأهتمام و المداراه و الرعايه هذا بس ونحن مخطوبين ياخواتي …….. الزبده و اللي انا احسه انه مثل تأكد اني احبه و اطمن اني لوووووو شووووووو يصير ما بقدر اتركه والحين قام يتصرف وياي بكل قسوة خواتي ماشي اكثر من اني وياه عالخط اصيح اقول له قول شو اللي غيرك يقول لي مافيني شي وانا الحين تعبان و بسير انام برايج تصبحين على خير هو يحط راسه و يرقد وانا بدموعي طووووووول الليل للعلم انا ما عندي خوات كلنا اولاد يعني لو عندي اخت كنت بشكيلها حالتي لكن مالقيت من بعد الله غير ربيعتي هاذي راعيه النك و انتن خواتي وامسات يبت له هديه وضاعت عنه وقلت له منو اخذها جان يقول لي والله منو ماكان شو دراني والله ماكان جيه كان يموت فيني والغريبه انه قبل كانت كلمه احبج دوووومها ع لسانه الحين من فترة ليفترة اذا بيقولها خواتي ماعرف يمكن السبب اني واااااايد دلعته و عطيته كل شي بدون حساب للي ممكن يصير طبعا خواتي عطيته كل شي ماعدا اللي يصير بين الزوج و زوجته طبعا حتى يوم يزعل مايكمل نص ساعه الا اتصلت ع قولت عمتي انتي تزلين و تراضين عمرج حتى ما تعطينه يفكر بالشي اللي سواه ان كان صح و لا خطأ على طول تكلمينه انا مايهون علي اخليه ولو ما اسأل عنه يتراوالي مابيفتكر بي ابدا …………..

ادري طولت عليكن بس والله من ضيجي و الكلام مفلع شرق و غرب بس انشالله ينفهم من التوتر اللي انا فيه ودموعي على خدي يوميا حتى مذاكرتي مب ريمه اذاكر وهو السبب ونحن عايلتنا اغلبيتهم دكاترة ولا الود ودي اترك الدكتوراه و اكتفي بالماجستير لأني بصدق مب بال دراسه و هو السبب شوروا علي دخيييييييييييييييكم

الغاليه .. نصيحة لوجهه الله .. من اخت امجربه ..

الريال مثل طابع البريد تفلي عليه بيلصق فيج… وأكبر حل لمشكلتج الطاف … ولا اتقولين ما اقدر بتقدرين إن شالله… مثل ما هو يقدر يستغنى عنج .. اترومين تهملينه هالفترة .. وصدقيني بيرد .. وقولي إني ما قلت ..

نحن ياما اتعلقنا بناس … وعطيناهم من خاطرنا بدون ما نتريا منهم كلمة شكر بس لنا انحبهم .. وفوق كل هاذه وبين يوم وليله يتغيرون علينا بدون سبب .. وانحاول ونركض وراهم وانداريهم ونبا راضهم وبعد طاف .. لكن مجرد يقل اهتمامنا ابهم صدقيني اييون يركضون يدورون على مكانهم … وحصل هالشي معايه فعلا … ولين الحينه يبون يردون لكن صدقيني القلب يبرد عن هالأشكال .. خليها على الله .. بس اقولج انا هالأسلوب اتبعيه مع كل حد ينكر جميلج ويعطيج الزمن صفعه منهم..

الله يعينج اختي بس انتي لازم سويت شي خلاه يجلب عليج جي راجعي نفسج وحاولي اتقليين من العصبيه ولا تقعدين تسألين عن كل صغيره وكبيره يمكن اهو قبل يضايق لما تسألين بس ما كا ن ايبين لج بس الحيين عشان اتعود عليج اكثر صار ايبيين لج عشان انتي اتخففين منها ولا تنسيين اهو ريال يا اختي يعني ما يعيبه انج دوم تسألينه حاولي تكسبيينه بطريقع يديده غير ويكون اسلوبج معها بعد غير يعني اتركيه لحد اهو ما يسأل وحاولي دايمن اتكونيين جدامه مبتسمه وفرحانه ونتفائله والله يوفقج انشالله

الله يعينج حبيبتي

بس احس المشكلة هاي لانكم طولتو فترة الخطووبة ويمكن هالشي يسبب فتور فعلاقتكم ماكان لداعي اطولين فترة الخطوبة لسنتين

فليش ماتتزجين الحين وتوفقين بين ريلج ودراستج

السلام عليكم ورحمة الله وبركاته

هلا اختي الله يعينج ويصبرج يارب

وأنا مع الاخوات فعلا لما انتي اطنشينه بيرجع على الاقل يبي يعرف سبب التطنيش بس طنشي بسياسه امراه حكيمة ولا تصغيرين عمرج ولا تخلينه يغلطتج وكوني واثقه من نفسج انتي ما سويتي شي اذا يبي يترك الف واحد يتمناج واذا يبي يستمر معاج لازم يعرف انج مب لعبه وانج بحاجة حق حب واهتمام ورعايه ونصيــــــــــــــــــــــــــــــــــــحه لا تعطينه هدايا وايد كوني انته الهديه بالنسبه له

السلام عليكم

عزيزتي…

هذه سلبية من سلبيات الخطبه المطوله …

في الخطبه المطوله امران يتضادان…

الفتاه تزداد حبا وقرباً لزوج المستقبل >>> الوعد المنتظر

والرجل يمل ويتملل ويظهر هذا جليا مريا على تصرفاته سواء اقوال او افعال…

فيبدأ يبحث عن ثغره بها يتعذر عن الاستمراااار…

سبحان الله في حكمته…

لم يحرم شيئا الا وله فيه حكمه ومقصد

ولم يحلل شيئا الا وفيه مصلحة عبده

ياغاليه…

تأكدي اذا كتب الله ان يكون هذا الرجل زوجا لكِ ..فلن تكون هناك اي قوة تمنع هذا الزواج

المسألة مسألة نصيب لا اكثر ولا اقل

فعسى ان تكرهوا شيئا وهو خير لكم