سوال للخبيرات التجميل صحابات الخبره
كيف بديتو بزنس كخبيرات مكياج ومكيجتو الزبونات اسياسات البدء في هالبزنس شو المشاكل الي وكيف قدرتو تحلونها وميزانية المشروع في انتظار ردكم يزاكم الله خير
الترويج ثم الترويج ثم الترويج
عمرج ما بتوصلين للي تبينه وانتي مب معرووفة
وكبداية لازم اتخسرين قيمة ادوات الميكب
وممكن تستغنين عن سالفة التمكييج فالبيت واتروحين برووحج للبيوت او القاعات عسب اتمكيجين
لأن سالفة انج تفتحين غرفة واتأثثينها بأثاث الصالون من ناحية كرسي للميكب او طاولة للاغراض هاي رووحها بتكفلج
فمثل ما خبرتج دامج ما بتخسرين
حاولي اتروجين لعمرج فالبيبي وفالمنتديات والمحلات ,,طبعي اوراق وحطيها فمحلات العبي واااايد شفت هالحركة من البنات وحتى فمحلات الفساتين
واكسبي الزباين بالسعر المعقوول
مب شرات الي يباالغون ويخلون اسعارهم من اسعار الصالونات لأنج فالنهاية مب خسرانة قيمة كهربا ولاماي ولا ايجار ولا راتب عاملات ولا بلدية ولاولالا ألخ
ابدي فالمعقوول عسب ربي يباركلج واشوي اشوي بتمشين في مجااالج^^
قليل ما بتلاقين ماكيرات ينصحوونج وان نصحوج فما بتكون النصيحة من قلب او انها تعطيج سر نجاااحها عسب ما اتنافسينها انتي او غيرج ^^
ابدي صح وربي يوفقج