كيف الحال يا خواتي
حبيت انبه الجميع ..
وبالذات خواتنا المخطوبات _ او المقبلات على الزواج .
يعني اللي عاقدة قرانها
كثير من البنات يحبون يطلعون مع ازواجهم
وهذا حلال لها
ولكن اتعجب كثير من بعض الرجال او الشباب
اللي ياخذون حريمهم الى شقق وفنادق
وهاي ظاهرة بدات تنتشر عند كثير من الشباب
وبعد اقول ما عليه بس بحدود _ اتمنى قصدي يكون مفهوم _
ندخل في الموضوع والمشكلة اللي حدثت لبنت خالتي
بنت خالتي .. انخطبة لواحد ..
– متزوج – وعنده اعيال ..
استخارة والله سهل لها الزواج ..
وبعد اسبوع من حفلة الملجة
طلقها ..وطبعا دخل عليها ..
اخذها شقة ، قال لها هاي الشقة اللي بنسك فيها ..
وقع الرأس في الفأس ..
عرفة حرمة بالزواج ، مع ان قال حرمة الاولى تدري
بس للاسف خدعهم ..
وبعد ما طلقها – حسبي الله ونعم الوكيل عليه –
قال هاي مب بنت ..
الله يرد هذا العمل عليك يا رب
والله ما يحب الظلم
اللي احب اقوله يا خواتي
الحذر ثم الحذر ثم الحذر
يمكن الوحده تقول مب كل الريايل نفس الشيء
بالفعل يا خواتي
بس الشيطان واحد
احذروا من كذب بعض الرجال
والازواج
ووايضا يا خواتي فيه بنات متزوجات ومطلقات
الله يكتب لهم زوج ثاني
يستغلون ضعف الزوجة
ويسون فيها نفس الشيء
وبعدين يطلقها
حــــــرام والله حـــــــرام
اللي سواه الرجل ، شو لو كان الحرمة حامل
كيف تواجه ظلم المجتمع والاهل
الله يستر علينا وعلى اهلنا وخواتنا يا رب
دنيا وآخره يارب العلمين
هذا ما يخاف ربه
الله بيراويه
الله يمهل ولا يهمل
وعنده عيال وحرمه بعد