زادت قصص الاغتصاب و انا مب ضد اي وحدة تكتب مشكلتها او قصتها لا بالعكس خواتي شئ حلو ان الكل يشاركج في حل مشكلتج لكن وين المشكله
قصة "أمي أبي أين أنتمـ عني …لماذا فعل بي هذا …؟؟ " لبحور 2024 كانت تكتبها بطريقة السرد للقصص اهي قالت انها كانت تكتبها لنا بهذه الطريقة عسب ندعي لها لكنها ما اتعرف قد شوه الغصه و الحزن الالم اللي انحس يا ريت اللي تبا تكتب مشكلتها مره ثانيه لا تكتبها بهذه الطريقة اي نعم فيها تشويق و اثارة لكن في نفس الوقت حنا قلوبنا تتقطع ,وحنا ننطر القصه بكل الم و حرقة قلب
الشئ الثاني خواتي …عاد هالشئ انا انصدمت منه الصراحه
اللحين وحدة كاتبه و الله افلان يخوني و هو اصلا لا خطيبها و لا زوجها و لا شئ فيه بعض البنات يقولن لها لا تتخلين عنه
افاااااااااااا و الله ما توقعتها منكم الصراحة بدل لا اتقولن لها اصلا حرام انه يكون بينكم اي اتصال سواء تلفون او مسنجر
اتمنى يوم بتردن خواتي ع هالمواضيع تكون ردودكن حكيمه
و الله يوفج الجميع
و السموحه منكن خوااااااااااااااااااااااااااااااااااتي
انا صرت اخاف من كل شئ ..و الله امس اقول لامي لا تخلي
اختي الصغيرة اتروح بيت عمي ابروحها عندهم اصبيان
و الشغالات صرت اراقبهن يوم اخواني يكونون في البيت مع ان خواني صغار بس اخاف عليهم من مصايب الشغالات
عاد سوالف الخيانات و الرياييل و حرايمهم خلها ع صوب
عقدة صارت عندي …
و الله المستعان
خواتي العضوات ما قصروا ويايه .. منهن الي قالن لا تعبرينه و منهن عطني ادعيه و منهن نصحني
أنا الغاليه لي عقل و اخترت طريج و هو انه أهده و ما اكلمه لأبد
صدقيني أختي انا مب عوده !!!!!!!!!
و ما كنت أعرف أنه حرام و نحن " فري" ف و الله ما كنت ادري انه حرام
و من عرفت " المسنجر " شليته من لابتوبي
و أدعيلي بالهدايه و أنا مشكلتي فوضتها لله سبحانه
و ما تتخيلين شكثر الخوات فادني في الموضوع
يعني صرت أحاسب أكثر على تصرفاتي و لكم أجري
أن شاء الله
و يمكن في خوات انتقدوني صح بس الي أهلها لاهين عنها و ما وعوها و لجأت لكم تستنجد !!
شو صار بالدنيا اختيه غلطنا و كل بني آدم يغلط و الله يسامحه فالناس ما يسامحون زين ليش
يعني انا أستفدت و أنحلت مشكلتي خلاص و الموضوع أي حد ممكن يستفيد منه
لأنه ما في بيت خالي من هالمشكله خصوصا في المجتمع الخليجي
و أذا الموضوع مضايكنكن بنحذفه و السموحه على القصور
بس قلنا نخليه للفايده مع العلم انه عدد المشاهدات وصل
1,007 و ما كمل الموضوع أسبوع من حطيته هذا دليل الفايده و أنه كل وحده دخلت شدها الموضوع و يمسها من قريب أو من بعيد و أذا ما صادفه ممكن يصادف حد تعرفه !!
و مشكوره مره ثانيه على اطرائج
مشكلتها مؤلمه لكن توعي الغافلين
يعني هيه الاخت تقصد القصة عنج حبوبة ،، عموما الله يهديج ويوفقج ومن ترك شيئا لله عوضه الله خيرا منه،،،،،،،،، عليج بالصبر ورزقج بييج والحمدالله على كل حال ان كنتي مظلومة حقج ما بيضيع بس قوي ايمانج بالله وهالدرب الغلط وراه بحور من المشاكل الله يثبتج على الدين والايمان