ادري انكن ما بتقصرن في مشكلة اختي وصديقة عزيزة علي
هي مواطنة ومتزوجه وافد وعايشه مع اهلها ويا عيالها الاربعة
وما تعرف وين تسير او تتصل عسب
تقدم على بيت او ممكن انها تاخذ من الشؤون لان الحياة صارت صعبة جدا
خواتي اذا عندكم اي معلومة بسيطة خبروني عنها عسب اخبرها لانها تكسر الخاطر
واذا في امكانية تشتغل هي تبا لكن للاسف ما عندها غير شهادة اول ثانوي
ما اعرف شو اقول اكثر بس انتظر مساعدتكم لها
ما أعرف جهات خاصة لكن أعتقد وزارة العمل والشئون الإجتماعية تهتم بهالسوالف
الله يفرجها عليها يارب ويوفقها
صدق هذا موضوع يستحق البحث عن حل له
وايد مواطنات يعانن من هالمشكلة
بس أختي حاولي تتصلون مكتب الشيخة فاطمة لرعاية شؤون المواطنات
وإن شاء الله تتوفق
والله لا يحرمني منكن
اختي alyazih ممكن تعطيني رقم المكتب
ويزاكم الله خير
واي وحده عنها اي اضافة ممكن تساعدنا فيه لا تبخل علينا ارجوكم
كان قبل يحطونه على بطاقة الكمبيوتر كرت
لي تشترينها من الدكان
أتصلي الإستعلامات ويمكن يفيدونج
وبعدين الشيخ محمد الله يطول عمره فاتح القصر يوم الأحد أو الأثين من كل أسبوع للمواطنين لي عنده شي يروح له