مشكلة خيااانة الزوج لزوجته ..المشكلة اللي منتشرة في المنتدى بشكل ملالاحظ وكبــير وتعكس مــدى الرذيلة المنتشرة في المجتمع اللي عايشين فيه
.موضوع للنقاااش…عسب نفهم أسباب الخياانة الزوجية…وكيفية التصرف وقت وقوعها…ونصح وإرشااد لخوااتنا البنوتاات اللي على ويه زواااج..وإن شاءالله ربنا يستر على بناات المسلمين جميعا ويرزقهم بالزوج الصالح الدين
زين ليش الرياال يخون ؟؟؟؟؟؟؟؟
لإنه الحرااام منتشر صار في كل مكان وببلاش..والبناات متفصخااات وما وراااهم شي..ريال متزوج مب متزوج ما يهمها..نسبة العنوسة مرتفعة …كل وحدة تريد تتزوج واللي القطااار فااتها ما يهمها..لو متزوج …داام الفلووس كثيرة..والفسق منتشر عااادي تظبطه وتسرقه من زوجته ويطلقها ويتزوجها ليش لا ؟؟؟؟؟؟؟؟!!!!!!!!!!!!!!!
شو اللي ممكن يمنع الريال من الخيااانه ؟
حتى لو كان يحب زوجته..الرجل مب مثل المرأة ..المرأة عااطفية علاقة الجنس عندها ما تقدر تقوم فيها إلا مع شخص تحبه وتريده
أما الرياال غير…الجنس عنده ما يخصه في الحب…يحب مرته هيه أكيــد..لكنه دامه مب مقصر وياها بطلعات وبفلوس..إلخ
يحس إنه ما فيها شي لو لعب شوي من ورااها وأرضى نزواااته..دام هالشي متوفرله والحرااام منتشر…تلاقي كل ربعه وإخوانه وحتى أبوه اللي رباه يكون يعرف عنهم وعن علاقاتهم ..فيقولج ليش لا وانا بعد..خلني أستااانس أنا بعد
عشااان جي حذر الرسول صلى الله عليه وسلم من المجاهرة في المعاااصي….لإنه الواحد يسوي معصية في الليل ويي ثاني يوم يكلم ربعه فيها ويقعد ينكت ويضحك وهو مستااانس قداامهم..فيقلل من شأن المعصية اللي إرتكبها قداامهم ويصغرها لهم والشيطاااان شااااااااااااااطر
قال النبي صلى الله عليه وسلم : " كل أمتي معافى إلا المجاهرون وإن من المجاهرة أن يعمل الرجل العمل بالليل ثم يبيت يستره الله عز وجل فيصبح يقول يا فلان فعلت البارحة كذا وكذا فيصبح وقد ستره الله عز وجل فيكشف ستر الله عليه)
واللي زاااد الطين بله في أيااامنها هذي..ماكو حد يتكلم ويقوول لا…كل الناااس شااايفة الفسق في الشوااارع وساااكته…أستغفر الله العظيم كلها من علامات القيااامة
قال رسول الله صلى الله عليه وسلم : "لتأمرون بالمعروف ولتنهون عن المنكر، أو ليسلطن الله شراركم على خياركم فيدعو خياركم فلا يستجاب لهم )
والنفس أمارة بالسوء والناس سااكته عايبنها الحال..والقيااامة عن بااالهم بعــيدة ..والدين والقــرآن مقتصر على سورة ( قل هو الله أحد )..وما حد يعرف يميز بين الكبائر والصغائر في الذنوب ولا حد يعرف عاقبتها عند الله غير كلمة ( حرام )
شوفو عاااد ذيك الساااعه الشيطان ورغبة النفس شو يسوون في الإنسااان ؟؟
اللـــــواط
عيل شو تبين شي أعظم من إنه الشباب الحينة يمشون بينا ويلبسون لبس البنااات يويعاكسون شباب غيرهم ..وغيرهم يمشي ورااهم في الشااارع…ومعصيتهم مفضووحة للناس وهي المعصية اللي ربنا سخط قوم لوط عليها..وقال عنهم إنهم جاؤوا بمعصية لم يأت بها أحد من العاالمين ولعنهم الله …الحينة الشباب اللواطيين يمشوون بينا وما حد يقولهم شو تسوون ؟؟؟؟؟؟؟
ساكتي عن اللـــواط اللي ربنا ذكر عنها إنه ما حد قام فيها من الناس إلا وإهتز عرش الرحمن من الغضب…لا حول ولا قوة إلا بالله العلي العظيم
الـــزنا
ولا الفلبينيات المنتشرين اللي عيني عينك في موااقف السيارات توقفلهم السيارة ويتفاصلون على السعر قدااام خلق الله ومعصيتهم مفضوووووووووحة للنااااس كلها وما يستحون قدااام الناااس يساااومها على الجنس وتساااومه على الرذيلة ..ويمشي معها في المول والأسواااق العااامة وهو رااافع الراااس بمعصيته وبإثمه …وهي معصية اللي تمنع الرزق والذرية عن العبد الزاااني…ويكفي إنها من الكبااائر …
قال رسول الله صلى الله عليه وسلم (( يا معشر المسلمين اتقوا الزنا فان فيه ست خصال ثلاث في الدنيا
وثلاث في الاخرة فاما في الدنيا فذهاب بهاء الوجه وقصر العمر ودوام الفقر ، واما التي في الآخرة فسخط الله تبارك وتعالى وسوء الحساب والعذاب بالنار…………
ولا الحفلالالات والفسق اللي يصير فيها …قاااموا عندنا ما شاءالله يحتفلون في الكريسمس ويزينون المولالات أكثر ما يزينوها في العيد….فلا حول ولا قوة إلا بالله العلي العظيم مرة ثااانية
منو بيقدر يصون نفسه ويمنعها عن هالبلاوي المنتشرة غير إنساان يخاااف ربه ويعرف عظمه إرتكااب المعاااصي وعقااابها عند الله …
قال رسول الله صلى الله عليه وسلم : ( يأتي على الناس زمان القابض فيهم على دينه كالقابض على الجمر )
قـــبل وقــوع الخيااانة …رسالة للبنات اللي على ويه زوااج !
بعــدكم في أول الطريق..أحسنوا الإختيااار في البـداااية ..تضمون ال 40 / 60 سنة اللي ياية من عمركم كيف بتكون وكيف بتعيشونها
ترى الطــلاق مب مسألة هينـه ..البنت في بيت هلها تعيش في قيود وتحت مرااقبة من أهلها ومجتمعها أقل مقاارنة مع المـرأة المــطلقة
إخــتااري صاااحب الدين الحق…إسألي عن أخــلاقه وديــنه…لا حد يقولي أعرف وحدة تزوجت مطوع وحاشرنها في البيت ما يطلعها ومنقبها ويضربها…إلخ
هذا مب مطوع ولا يخصه بشي من الدين…أتكلم عن أصحاااب الديــن الحق…
وعــندنا متحجباات ..عباه مسكرة ..شيلة ملفوفة عدل لا خصلة ولا غرة ولا شي طايح براتها..
وقيسوا مثلهم على الشباب
منهم لابس الدين منظرة للناااس ونفاااق وعااادة متربي عليها…
ومنهم لابس الدين خوف ورهبة من الله وعقااابه
كلن يدور على الصنف اللي مثله
واللي من الصنف الأول من الحريم ..تخاااف ترتبط بشاب من الصنف الثاااني لا يشد عليها أو يعقدها ( على قولتها ) بعيشتها..فتتحجج بأي حجج تلاقيها من إنه حتى الشباب المتدين ما منه نفع..أستغفر الله العظيم ..وكأنهم يقولونلج..حتى الدين ما يفيد هالأياام وما منه نفع !!!!!!!!!!!!!!!!!!
عندما تقع الخيااانة !
طبعا مب سهلة على الزوجة إنه ريلها يخونها…لــكن ماكو دخااان من غير نااار
الريال اللي يخون عنده نقص في الوااازع الديني…بدل ما ننصح البنت اللي كاتبه مشكلتها في القسم هني إنها تطلق أو تزعل وتروح بيت أهلها..ليش ما ننصحها إنها تحاااول مع ريلها بالحسنى وتشده للدين…..خلي الدين هو رقم واااحد في حياااتكم ..والله مافي شي بعدين يقدر ينكد عليكم عيشتكم…
فيه بناات يقولون رااويه العين الحمرة..هذي أنا مب قاادرة أفهمها ..كيف الزوجة تقدر ترااوي زوجها العين الحمرة من أول ليلة ؟؟ يعني إذا كشفته مرة ..تقيم الدنيا على راااسه وما تقعدها…
ظنتكم جي تنحل المسألة ؟؟؟
ظنتكم اللي ما يخاااااااااااااااااااف من ربــه ..بيخاااف من زوجتـــه ؟!!!!!!!!
ما أظن هذا هو الحل…
مرة ثااانية نرد للوااازع الديني…إذا إنتي ضااامنة ريلج إنه يخاااف ربه ويصلي فرضه ويفكر في آخرته…خلالالاص يا جبل ما تهزك ريح….حطيتي جسر الثقة بينكم…ومو أي جسر..مب جسر قائم على الحب والوعود والأيام..إلخ…لالالالالا هذا جسر من نوع ثاااني..جسر أساااسه الخوف من الله والوقوع في محااارمه
الحب يخبو مع الأيااام..والريااال حبه يطفيه بالجنس…مع الأياام الحب المشتعل نااار ولهب شوي شوي بيخبو…بيتحول لعلاقة محبة من نوع ثاااني وإحترااام من نوع ثااااني…لكن ذالك اللهيب اللي كان في بداية العلاقة بيطفى ..بتطفيه مشاعر التملك اللي عند الريال..الحـرمة اللي كان يحلم فيها صارت عنده…كل يوم في فراااشه وكل اللي يبيه ياخذه منها
الخوف من الله ما يطفى…وما ممكن ينطفى أو يخبو..لإنه الموووت ماكو شي يطفيه ..والقيااامة كلمة حق من عند الله …ما يقدر الريال يضمن الجنة في فرااشه كل يوم ..وما يقدر يضمن عمره بأي لحظة
شوفو أي الجسرين أقوى وأمتن ؟!
والدنيا فااانية ..فلا حد يزعل على شي…وإن خلت بلت…ما كو حد مرتااح وماكو إنسااان كااامل..والكمال لله سبحانه وتعالى
الخياانة مب نهاااية العااالم …لا تتسرعون بالنصح للبنات اللي يعانون من هالمشكلة ,..أدري إنها شي يجرح…
لكن طبيعة المرأة سبحان الله ربنا خلقها طبيعة تتلائم مع طبية الريال..طبيعة رحمة ومودة وعطف..المرة بكلمة حلوة تنسى الدنيا كلها..حتى الخيااانة ….عكس الريال..
وكل ريال بنظري…فيه طفل صغير داااخله…ترى والله يا بنااات الزوجة الشاااطرة هي اللي تعرف مفاااتيح ريلها….
لا تقارنين ريلج بأحد…ولا تتحسرين إن شفتي ريل ربيعتج يعاملها بطريقة ما يعاملج فيها ريلج…ترى ها مفتاااح الشيطااان
.تذكري الأشيا والمميزات اللي عند ريلج مب عند ريل ربيعتج…وأكــيد بتحصلين مميزاات كثيرة عنده..
خلج زوجة واااعية وذكــية …ييبي ريلج للدين بطريقة غير مباااشرة
إن طلعتوا في السيارة ..هاتيلج شريط إسلامي يتكلم عن سوء الخلق وفاحشة الزنا…إلخ. أو عن أي شي شفتيه من ريلج وضايقج…إن رفض يسمعه أول مرة ..عاادي لا تصرين..ترااااه خااااااااااااااايف..ما يريد يشوووف قبح أعماااله…غلبه الشيطان وغلبك في أول معركة …لكن قدااامج معااارك كثيرة والرااايحااات أكثر من الجااايااات..
كلميه عن قصة لربيعاتج وهمية نسقيها بذوقج..تكون فيها عظة وعبرة ..
بالنهاااية كل حـرمة أدرى بريلها عن غيــرها وهي الأعلم شو الطرق اللي تنفع مع ريلها وشو الطرق اللي ما تييب نتيجة معااه..
لا تتسرعون بالحلول..ولا تكونو من النساء اللواتي ينكرن العشير من أول مشكلة بينج وبينه
قال رسول الله صلى عليه وسلم( اكثر اهل النار النساء قلوا لماذا قال لانهن ينكرن العشير)
أتمنى أسمع أرائكم
.
أول شي تبدأ اتغيره من الناحيه الدينيه
تحاول هيه وياه انهم يلتزمون و لو كان مقصر تحاول تهديه و ترشده
ثاني شي اتحاول اتخليه ما يطالع غيرها .. اتكفيه و اتوفيه من كل النواحي
شو معنى الحديث
وبعدين اختي اذا تعرفين اي مكان تمارس فيه الرذيله اتصلي ع الامين ولج الاجر،،
تحياتي
وكلامج ..يعبر عن الواقع المستوي ها الايام…ما أقول الا الهم ثابتني يوم السِِؤال وووأحس الخاتمه
المشاركة الأصلية كتبت بواسطة نــــوره 
أول شي تبدأ اتغيره من الناحيه الدينيه
تحاول هيه وياه انهم يلتزمون و لو كان مقصر تحاول تهديه و ترشده
ثاني شي اتحاول اتخليه ما يطالع غيرها .. اتكفيه و اتوفيه من كل النواحي
هيه ممكن تغيره لكن بتاخذ لها فترة طويلة لازمها صبر ..عسب جي تختار من البدااية صح أحسن لها
مشكورة أختي على المدااخلة يزاج الله خير
المشاركة الأصلية كتبت بواسطة سجايا المنى شو معنى الحديث
وبعدين اختي اذا تعرفين اي مكان تمارس فيه الرذيله اتصلي ع الامين ولج الاجر،،
تحياتي
هلا أختي…الحديث يتكلم عن النساااء وطبعهني..تلاقين المرة يكون زوجها موفيها حقها يعطيها فلوس ويطلعها ..إلخ…يوم تتزاعل هي وياه أو يووم تقعد في مجلس تقعد تنكر كل شي..بأنها تتشكى وتقول بعمري ما شفت يوم حلو وياااه
حاارمني..,والله أنا غير باقي الحريم..إلخ…وهي ريلها المسكينة يــكون يعطيها أقصى ما عنده حسب قدرته ووضعه الماادي وظروووفه..بالشغل ووقت فراااغه وإمكانياته..ومع ذااالك ما يعجبها العجب و دووم إطااالع غيرها وتقارن وتبخس باللي يقدمه ريلها لها..وجي
وها على فكرة 70% من الحريم جي…إذا ما كان 80 %…صح ؟
يزاااج الله خير على المداااخلة
المشاركة الأصلية كتبت بواسطة أم عوض وكلامج ..يعبر عن الواقع المستوي ها الايام…ما أقول الا الهم ثابتني يوم السِِؤال وووأحس الخاتمه
هيــه والله أختي صدقتي…ترى والله لو الوااحد يفكر ساااعة بس..بيلاقي حااال الدنيا يحزن ويخوف..النااااس نسيت ربنا وعقاااابه…
يوم تكلمين أي أحد في الدين أو الحجاااب يقولج مب شرط المظره في متحجبااات أخس عن اللي مب متحجبااات…ونفس الشي الشباب..تقوليله ما يصير جي..يقولج فلان وفلان وفلان..وأعرف مطوع يسوي جي وجي وجي
صارت الناااس تتحجج بأي شي وتتهرب…..غرتهم الدنيا ..يريدون الدنيا يلعبون ويروحون ويسوون اللي يبونه ما يريدون حد يصحيهم
يا رب ثبتنا وقت السؤااال وإرحمنا برحمتك وجميع المسلمين إن شاءالله