شحالكم بنات؟؟ ان شاء الله بخير
يا ريت لو احصل وحدة تحل لي مشكلتي و اوعدكم بدعي لكم دعوة حلوة
انا مشكلتي كريم الاساس
جربت واااايد انواع و نفس المشكلة عندي
احط الكريم اساس وكل شي يطلع حلو و مرتب و يوم اطلع اكمل ساعة واشوف المكياج ساح و ويهي استوى لونين و اثار الحبوب بدت تطلع
انا جربت وايد انواع من كريم الاساس و جربت احط مع البودرة و بدون البودرة ماشي فايدة نفس الشي المكياج يسيح
يا ريت لو تخبروني طريقة تخلي المكياج ما يسيح و يتم على الاقل طول الدوام
انا دوامي من 8 الى 2ونص و المكياج يسيح بعد ساعة من حطتي له
هالمشكلة تعبتني وايد لان ويهي فيه حبوب واثار حبوب حمرة و يوم المكياج يسيح كل الاحمرار والاثار تظهر
اتمنى احصل حد يساعدني
ولا تقولون لي حطي مرطب ولا مادري شو قبل كريم الاساس تراني جربت ومانفع
وجربت احط مثبت المكياج اللي من ميكب اب فور ايفر بعد مافي فايدة
اتمنى احصل حل
انتظر ردودكم ولكم دعوة خالصة من القلب
بخبرج عن تجربتي .. كنت شراتج كريم الاساس مايثبت طول ..
بالليل احط ع ويهي ماي ورد .. و الصبح احط كريم اولاي بورق التوت و عقبه واقي اسم الكريم ليلي واايد روعه ..
بعدين احط كونسيلر وين الاماكن للي ما اريدها تظهر بشكل واضح مثل سواد تحت العيون و جذيه .. بعدين احط كريم اساس من ديور روووعه اشويه عليه او كريم اساس ريفلون بعد روووعه .. بعدين احط بودره خفيفه و معالجه في نفس الوقت من غيرلاين او ميبيلاين روووعه
ان شاء الله اكون افدتج ..^^
شيخة الغيد , مشكورة الغالية على الرد , بس لو عندج اقتراح ثاني اتمنى تخبريني به لانه ويهي في وايد اثار حمرة و ما اعتقد اللي تسوينه بينفع لي , لاني جربت ماي الورد وماحصلت فايدة و انا بصراحة اكره البودرة و جربت وايد انواع و لا شي عيبني
هو كونسيلر + أساس
بتحصلينه ف أريج و لايف ستايل بـ 27 درهم
بس كيف يعني كونسيلر و اساس؟؟ يعني اثنين في واحد ؟؟ احطه بس وخلاص ما حط شي ثاني ولا كيف؟