تبين برونزر لوك بس ما تعرفين شو المستحضر المناسب شرفيني ^.^

بسم الله نبدأ:

اللوك الاول: هالمستحضرات استعملها للويه والجسم لان اللون قوي جدا" يعني لو بسوي هاللوك اكتفي بقلوس فاتج و احدد عيني بجحال بني ومسكرا..

جربته حسيت عمري ميكسيكو لووووووول لانه جد البروونز الغامج..>> احس مب كل حد يعيبه هاللوك..(الناس اذواق)

1- بودره من برستيج هي كانت بالاصل حبيبات بس انا كسرتها..ونزلت موضوع عن هالبرونز..(وبأمكانج تستبدلينه باي برونز المهم لونه شوي فاتح وفيه لمعه عشان يسوي توازن..)

2- وهذا من بنفت وحطيت صورته ف واحد من مواضيعي..تراه لونه بني ومافيه اي لمعه..
يعني تحطينه ف كامل الويه وتترين شوي لين ما ينشف لانه كريمي وبعدين تحطين البودره اللي قلتلكم عليها..!! لانه هو مات و هذاك لمعه ف يسوي توازن فاللوك..

.
.
.
.
.

وهذا على ايدي..طبعا" بالفلاش مابين عدل..فالطبيعه حلو بس برونزي من الخااااطر..

اللوك الثاني:

هاللوك حلو لانه برونز خفيف نسبيا" ..ويصلح للزيارات او حد بيزورج حلو ويصلح لو لابسه مخاوير هههههههه

جربت اسويه يوم يوني ربيعاتي وعيبهم اللوك وايد..

حطيت

1-بيس من بنفت خلطته مع شوي كريم اساس ..ويوم تحطينه يعطيج ويهج لمعه فيها افكت ذهبي..

2- بعدها اوزع بالفرشاه هالفاونديشن من ميبي لين..02 golden/hale ..طبعا" حركه دائريه عشان ينمزج فالويه عدل..

3- بعدها استعمل هالفرشاه من بودي شوب واوزعه على ويهي كامل..!! وبدى احط الميك اب طبعا" شي خفيف مب وايد عشان مايكون too much

.
.
.
.

هههههههههه سوري ما قدرت اصوره ع ايدي لانه ماطاع يطلع عدل فالتصوير..

هاللوكين حق المناسبات العائليه او حق ريلج يعني ماينفع حق اللي تروح دوام او جامعه..

وعشان اللي يداومن مايزعلن مني عندي لكم شي..

هو مب لوك بس مستحضر حلو وميزته انه مب قلتري ولا فيه لمعه يعني مات ..وبالنسبالي اشوفه مناسب ولكم حرية الاختيار..

وهو من ماك ..والاسم واضح فالصوره ..ومن ورا مكتوب.. deeb dark يصلح توزعينه ف كامل الويه وحتى لو تبين تسوين كونتورينج (عضمة الخد) يصلح..!!

بعد ماتخلصين من الاساس اللي متعوده تسوينه توزعينه ف ويهج كامل يكون حلوو..!!

وفي شي حبيت اراويكم اياه..^.^.. من pot كيووت حبيته وايد بس ابدا" مايصلح يتوزع على كامل الويه ..يناسب تحطينه ع عظمة الخد بس..او فالشادو حلو..

و هذا ع ايدي..شوفو محلااااه ..

والحين خلصنا الموضوع..