M.A.C . محبات البيقمنت مرحبا الساع اقربن . M.A.C

هلا
الي ايحبن البيقمنت
كل شي عن البيقمنت:
2/ حق شوممكن استخدم الـ pigments؟

غالباً الـ pigments يستخدم للعيون كـ شادو او للشفايف ،، لكن الـ pigments لأي منطقه في الوجه ،، بلاشر ،، اضاءه ،و غيره من الاستخدامات ..

لكن في البدايه وقبل اي استخدام للـ pigments

تنبيه مهم :: لكل درجة من الـ pigments استخدام ،، يعني بعض الدرجات تنفع فقط للعين ،، وبعضها ممكن للشفايف وممكن تكون ضاره ،، بعضها ممكن تكون مثل الكحل وبعضها تكون ماتنفع ..

يعني افضل شي تسئلين خبير او خبيرة ماك قبل لا تشترين اي درجة من الـ pigments عن حدود استخدامه ..

3/ كيف نستخدم الـ pigments كـ شادو للعين ؟

وهذي النقطه كثير محتارين فيها ومستصعبينها ..
ممكن تستخدمينه عادي بدون اي اضافه لكن اللون راح يكون باهت ،، مو ثابت ويتنثر على كامل العين ..

في منتجات ثانيه الى جانب الـ pigments راح تساعدج على تثبيته و بالتالي لونه راح يكون اقوى و اوضح ..

منها :
MAC Shadesticks

اللي يكون الشادو القلم تحطينه على منطقة الجفن بكمية بسيطة و تموهينه عشان ما يتكتل .. وتحطين فوقه الـ pigment .. ولازم تختارين الـ Shadesticks بلون قريب من الـ pigment ..
واذا كان عندج كمية كبيره من الـ pigments وصعب تاخذين كل درجات الـ Shadesticks
اكتفي بـ 2 من الـ Shadesticks واحد بلون بيج او نفس لون الجفن عشان يمشي مع اغلب ألوان الـ pigments الفاتحه ،، ولون غامق او اسود يمشي مع اغلب الوان الـ pigments الغامقه ..
وممكن تستخدمين اي شادو ستيك ومو اجباري الـ MAC Shadesticks
ممكن تستخدمين اقلام كحل من اي ماركة و مش شرط اتكون الماركة غالية

MAC Paints

وهذا حكايه ثانيه ،، شي خيالي وروعه ، درجات حلوه وايد وألوان قويه وثابته ومبهره ..
ممكن تحطينه بروحه ،، وميزته انه ما يتشقق او يسيح ..
وممكن تحطين فوقه الـ pigments بنفس الطريقة السابقه

MAC Cream Color Bases

وهو بيس ينحط على الجفن وينحط فوقه الـ pigment ،، بنفس الطريقه السابقه
في منه عدة درجات .. اذا ما انوجدت الدرجه المقاربه للـ pigments حطوا لون بيج او وردي فاتح بنفس لون الجفن ..
ولو عندج بيس الشادو من اي ماركة ثانيه راح يفي بالغرض

water-based mixing

وممكن تستغنون عنه وتستخدمون الماء العادي ،، تبلون طرف الفرشاه بالماء ،، وبعدها في الـ pigment و توزعونه على الجفن ..
( بس هالطريقة ممكن اتعبج شوية لان بعد فترة راح يتناثر )
Fluidline او الكحل الكريمي

توزعينه على الجفن ،، لكن استخدمي منه كمية بسيطة بطرف الفرشاه عشان ما يتكتل ويخرب ..
وانا احب هالطريقه وايد ،، ومو بس مع الـ pigment ،، استخدمها مع اي باودر شادو ..

البعض يستخدمون الفازلين او مرطب الشفايف بأن ياخذون منه مسحه خفيفه على الجفن ويحطون فوقه الـ pigment وهالطريقه مافضلها لأن بتخلي الـ pigment متكتل

هالشغلات كلها اللي ذكرنها ما بتخلي فقط الـ pigment ثابت ولونه قوي ،، لكن بتخلي مكياج العين كله ثابت طول اليوم او السهره ..

تذكير قبل ما ننتقل للنقطه التاليه

وهو ان الـ pigment بطبيعته انه باودر راح يتنثر على الجفن السفلي ويبقع عندنا الفاونديشن ..
وفي حل من 2

اما تحطون ورقة كلينكس تحت العين وتتمكيجون وهالطريقه ماحبها ومب مضبوطه

او انكم توزعون من اللوز باودر " البودره الحره " تحت العين عشان تلقط اي شادو يتنثر وبعد ما تخلصون مكياج العين تنفضون البودره بدون مسح مجرد نفض .. وهالطريقه اغلبنا نعرفها ومهمه وايد لمكياج نظيف خصوصاً لو بنستخدم شادو بودره ..

4/ شلون نستخدم الـ pigment مثل الآيلاينر او الكحل ؟

الطريقه بأن ناخذ فرشاة الكحل او الفرشاه المائله الصغيره و نحطها اما في ماء او نمسحها على شغله من الشغلات اللي استخدمناها فوق في تثبيته كـ شادو ،، ونبدي نرسم فيه العين من برا ،، وابتعدوا عن رسم العين فيه من الداخل ..

5/ كيف نستخدم الـ pigment على الشفايف ؟

اول طريقة وهي :
تحطين على الشفايف قلوس شفاف ،، فوقه توزعين الدرجه اللي تبينها من الـ pigment و فوقه تحطين طبقه ثانيه من القلوس الشفاف
وهذي لو حابه اللون لأستخدام واحد
وممكن بعد تستخدم القلوس بأي لون مناسب مع الـ pigment بنفس الطريقه

تــــــــــــــــــــــــــــــــــابع ………………….

طريقة عمل الليب قلوووووووووووس :
خلنا نبدا
اول شئ المقادير

فازلين: مب شرط فازلين تقدير تستخدمين lipgloss شفاف او حتى lip balm
شادو: واي لون شادو باودر من اختيارج (تاكدي ان الشادو باودر ما له ضرر على اليب جلوس يعني قبل ما تشترينه سئلي خبيرة التجميل بس عاده يكون غير مضر اكيد)
انا انصحج تستخدمين الpigments من mac لانهم حلوين وفيهم لمعه روعه و ما يضرون ابدا
وها الالوان الpigments اللي متوفره
اللون المستخدم الcopper
وتحتاجين بعد هالأدوات

بس قبل ما تستخدمين الأدوات طهريهم بالكحول (لا تنسين هالخطوه!)
حطي مقدار ملعقه صغيره فازلين بهالطريقه


[IMG][/IMG]
بعدين حطي اللشادو



طبعا الكميه تعتمد عليج انا حطية تقرين نص ملعقه صغيره
اذا تبون لون قوي حطي اكثر، لون خفيف قللي
ما يحتاج تخلطيهم على طول حطيهم في مله فيها مااي حاااااار (ليس مغلي!)

لتسريع العمليه سوي هالطريقه حطي فوقه كوب

اتركيه من 5 لين 10 دقايق لين ما ايذوب
بعدين اول ما اتشوفينه ذااب وصار تقريبا سائل طلعيه من الماي وخلطيه بالعود الصغير


شوفي كيف اللون ظهر روووعه واايد حبيته


وهني جربته على اليد

وطبعا تقدرين تبدعين واتخلطين اكثر من لون من الباودر
جربي اول شي الألوان المخلوطة مع الفازلين واذا عجبج سوي الطرقة

تقدرين اتخزنينه في القوطي او في ليب جلوس مخلص
الليب جلوس المخلص

روعه!

6/ كيف نستخدم الـ pigment للأظافر

وبعد في طريقة من 2

اول طريقه وهي تاخذين مانيكير شفاف وتحطين على مقدار صغير من اللون اللي تبينه من الـ pigment وتسكرين المانكير و تحمينه بيدج او عشان يندمج تحطينه في مله فيها ماي دافي ..

الطريقة الثانيه وهي لو حابه تجربين اللون لمره وحده ..
وهو تحطين طبقه من المانكير باللون اللي تبينه او الشفاف ،، قبل ما ينشف على اظافرج تنثرين عليه الpigment ،، تنثرينه نثر من فوق عشان ما يتكتل وعشان يكون شكله احلى ..

7/ شلون نستخدم الـ pigment كلمعه للجسم؟

ممكن تاخذين بيدج شوية من اللوشن اللي تحبينه وتاخذين كمية بسيطه من الـ pigment وتخلطينه بيدج و توزعينه على الجسم ..
وبنفس الطريقه ممكن تخلطينه مع الفاونديشن ،، للوجه او الجسم ..

واذا حبيتي النتيجه ممكن تحطين ملعقه صغيره من الـ pigment في علبة الفاونديشن او اللوشن وتتركينه لأكثر من استخدام ..

8/ شلون نستخدم الـ pigment كـ بلاشر او بودرة خدود ؟
تاخذين كمية صغيره من الـ pigment وتحطينها على منطقة الخد وبعدين اما توزعينها بأصابع او بالفرشاة..

9/ شلون نستخدم الـ pigment للشعر ؟
تاخذين الكميه اللي تكفي شعرج من المنتج اللي دايماً تستخدمينه للشعر : الجل ،، الرغوه او الموس ،، او حتى السيروم ،، تضيفين عليه ذرات من الـ pigment و توزعينه على شعرج ..

في طريقة ثانيه ……

وهو تثرين ذرات من الـ pigment على شعرج على طول بدون اي اضافه ،، بجذي يتوزع الـ pigment اكثر وبشكل عشوائي احلى ،، وتكون اللمعه اخف .. وتروح بسرعه ..

اتمنى ان الموضوع عجبكم واستفدتوا منه ..

ارجع واذكر اهمية انكم تسئلون عن درجة الـ pigment تنفع لشنو قبل ما تستخدمونها ..

لأن كل درجة لها مكونات خاصه غير عن الدرجه الثانيه ..

وأخيرا مع الصور:

انا نقلت الموضوع من منتدى ثاني وعدلت فيه شوية
لأني انا الصراحة استفدت من الموضوع و بغيت اخواتي في المنتدى يستفيدون