علاج الاكزيما للأبد

حبيت اشارككم بتجربتي مع ولدي الصغير

ولدي فديته يوم كمل الاربع شهور بدأ يطلعله حمار في خدوده

وجوانب رجوله تقشرته وسودت وببابطه وورى كوعه وخلف ركبه حتي بطنه فديته مكان الحفاض كله حمرت وتشققت ويييه بشرته وحليله رايحه فيها

تعبت وانا اوديه الدكاتره وهم يوصفولي هذيك المراهم حق الاكزيما واللي مليانه كورتيزون

اكثر شي يخوفني منه انه يضعف النمو والدكاتره اللي يقولي بتخوز عنه يوم يبلغ ويكمل ال12 سنه واللي يقول بتمي طول العمر

والله ولدي وحليله كمل العشر شهور وهو يعاني من هالحساسيه اللي كانت تزيد وتطلعله في اماكن جديده

والحمدلله لاقيت الحل في احد المنتديات وحده الله يجزيها بالخير قالت سألوا الهنود عن ورقه موجوده بكثره بشوارعنا تشيل الاكزيما والامراض الجلديه للابد

ما صدقت اختكم ركضت لريلي اخبره عن الموضوع وهو ما قصر خبر زميله الهندي بالشغل وقاله الهندي هيه في ورق اجيبلك بكره وانا جاي من الدوام وتفورونه بالماي لمده 4 ساعات وقال تخلونه ينقع بالماي ليوم كامل وتسبحون الولد فيه

انا سويت اللي قاله ومو سبحت ابني اللي نقعته فيه وتميت بالورق المبلول اللي بالماي ادلك ولدي على المناطق المصابه

والله حق الكسل اللي فيني سويتله بس مرتين

بعدين شفت الورق الباقي في الكيس نشف وذبل وما صار ينفع

وريلي تكسل يجيب غيره

وعلى فكره انا قطعت المراهم عن ولدي قبل ما اسويله المنقوع لاني تكسلت وخفت من مضارها على ولدي في المستقبل لكن والله تم ولدي اسبوع اسبوعين بعد ما نقعته بشرته مثل ما هيه ما زادت الحساسيه ما اني ما حطيتله مرهم والاسبوع الثالث فديت وبهه صافي مره

والحينه ولدي له 6 شهور من اخر مره سبحته بالمنقوع وبشرته فديتها تلق بياض وصافيه واغسله بالصابون وامسحه بالكريمات المعطره وهي مثل ماهيه ما فيها اي عيب <<<ترى اول الدكتور محرم علي اسبحه بالصابون المعطر وامسحه بالكريمات العاديه المعطره كله اونه طبي مو معطر الي سعره كان نار

والحمدلله نتيجه هذا الورق سحري حتى الدكاتره الله يسامحهم ما يوصفون للناس هالعشبه

طايحين علىمراهم الكورتيزون اللي علاجها مؤقت بس

والله كنت احاتي ولدي المسكين يوم بيكبر وانا كنت استحي افسخه الدلاغات قدام الناس عسب ماحد يشوف ريوله

الحينه الحمدلله الكل يقولي شو صار ع ولدج اللي فيله الاكزيما واقوللهم الحمدلله ابني ما عنده لا اكزيما ولا غيره

بنات اللي تشتكي من الاكزيما او ولدها او احد تعرفه

امانه تخبر عن هالورقه

وطلعوا سالوا الهنود في الشارع عنها ترى ما اكثرهم

خلونا نستفيد منهم

ولا تقعدون طول عماركم ويا هالمراهم اللي لا تنفع ولا شي

الورقه ترى رفيعه وطويله واطرافها مقصوصه كانها بالزجزاج مرتبه مره

والله يشفي الجميع

والهندي هو اللي يابها لريلي

بس والله ابني الحينه ما يشتكي من شي ابد بشرته ولا كأن كان فيها اكزيما

واعطرها واغسله بشامبوهات وكريمات عاديه معطره وما تحسس ابدا

كله من منقوع الورقه هذه شالت الاكزيما وقوت بشرت ولدي

اسالوا عنها الهنود اللي في الشارع او اذا سرتوا الحديقه اسالوا عنها اي هندي بيدلكم