فـي [رمشهـآآآ] شـد الخفووق و هـزّه ~~ بالصــور

انا اليوم ببدا في هالخلطه

^^

.
.

.

والحين نبدأ موضوعنا .. بسم الله ..

الكل فينا يحب يكون له رموش طويله .. كثيفه ..
خصوصا البنات اللي مو مشعرات لان رموشهم تكون خفيفه ..

المشكله:
بالنسبه لي انا رموشي خفيفه لكن بالمسكره تكون معقوله .. بس عندي مشكله بسيطه ..
عيني اليمين رمشها اقصر من عيني اليسار .. و توضح اكثر بالمسكره ..
فتطلع عيني اليمين شكلها اكبر من اليسار و هم في الاساس نفس الحجم ..
بس سبحان الله فرقت عشان الرمش اقصر ..

بعض الحلول ذات فائده قليله و بطيييئه :

خلطة الودتس ..
تذوبين شحم خروف و تحطين بعلبة ماسكرا و قبل النوم تحطينه ..

ايجابياتها: تطول فقط ما تكثف .. لكن يبيلها صبر نتايجها بطيئه ..
سلبياتها: اذا نزلت على عينك تصير فيها حراره و تدمع العين ..

الاثمد ..
كنت ابيه بس ما حصلته للأسف ..

زيت الخروع ..
ايجابياته: يطول فقط ..
سلبياته: نتيجه بطيييييئه جدا ..

زيت الخروع + زيت الزيتون ..
جربته اول الايام بعدين سويت عليها اضافات ..
( وهي الخلطه اللي راح اتكلم عنها بإذن الله )

ملاحظه/ يا بنات اللي تقول ان زيت الخروع مو زين انا اقولكم السبب الحقيقي ..

1) زيت الخروع مررره مفيد و لانه مركز نخلط معاه زيت ثاني يخفف تركيزه شوي
فيصير اذا دخل بالعين ماله ضرر بإذن الله ..
2) زيت الخروع او اي زيت تحطينه على رمشك و دخل بعينك معناته ان طريقة حطك غلط غلط غلط ..

راح اوضح لكم الحين ..

الرمش الاعلى .. اذا حطيتي الزيت من تحت الرمش لفوق راح ينزل الزيت على العين
و يسبب لك دموع و احيانا ألم .. واحيانا راح يبهذلك و بيتناثر قطرات من الزيت على المرايه او على التسريحه

الطريقه الصحيحه .. ( يعني حطيه على الرمش من فوق وليس من تحت ) ..

اما بالرمش السفلي .. فعادي حطيه زي المسكره ..

— يــتــبــع —

راح اقولكم الحين عن الخلطه اللي حولت رمشي اليمين و صار تقريبا زي رمشي اليسار ..
غير كذا رموشي كلها صارت اطول .. و اكثف .. بشكل وااضح .. ولله الحمد ..

ماراح انسب هذي الطريقه لي .. لان اكيد غيري قالها كثير .. وهي عموما متعارف عليها ..

المكونات:
1) نواة تمر ( 10 حبات )
2) زيت زيتون
3) زيت الخروع

اول شي ناخذ تمر .. ومين فينا ماياكل تمر يوميا ..

بعد ما ناكل التمر ناخذ منه النواه ( الفص بداخل التمر ) ..

نقعيها في ماء مايل للحراره .. عشان لو بقى شوي تمر عالق ينزل .. و عشان نشيل الغلاف الشفاف منه ..

ملاحظه/ مافي داعي احد يسوي مخترع .. فقط افتحي صنبور المويه الحاره و خذي منها ..

الين يبدأ الغلاف الشفاف بالخروج ..

بعد كذا حطي النواه في مقلاة البيض عشان نحمصها ..

و شغلي النار عليها ..

هنا بدت تتحمص ..

نحركها شوي و نقلبها عشان الحراره تنتقل بسرعه لجميع النواه ..

هنا تحمصت اكثر .. و بدأ مثل الزيت يطلع منها ..

— يــتــبــع —

حسيتهم يقولون ارحميينااا حراام عليييك ههههههه ..

الذمه و الضمير و الاخلاص فالشغل ههههههه ..

نسوي اختبار للنواه .. نطحنها ..

ملاحظه/ اذا تكسرت بضغطه بسيطه حلووو .. اما اذا كانت قاسيه مره فإرجعي حمصيها ..

بعد طحن جميع النواه ..

يتبع