تجربتي مع مكينة براون اليديدة للمنطقة الحساسة

شخباركم ؟؟

بعد بحث طويل و عميق و قراءة التعليقات في أغلب المواقع عن المكينة اليديدة من براون Silk-épil 7

وبعد ما سألت اللي تشتغل في المحل عن استخدامها كيف سهل و لا لا ؟؟ قالت لي فري إيزي

المهم طوول عمري و انا استخدم المقص بحث بس اني اخفف الشعر على الآخر لاني كنت خايفه من الحبوب و السواد و بلاوي الموس و قررت إني اشتريها بحجة انه وقت العرس قرب و يا ليتني ما اشتريتها

تذبح تذبح تذبح تذبح تعور بالنسبة لقطعة النتف مستحيل شي مو طبيعي رحت اسأل ربيعتي قلت يمكن استخدمها غلط …. قالت لي والله انها تذبح ماقدرت عليها

المهم يبت قطعة الحلاقة من نفس المكينة و شليته وتعرفون يظهر الشكل و شليت عقبه بالموس أول مرة

الحين شورري علي شو اسوي عرسي تقريبا قرب … ماعرف شو استخدم ؟؟؟؟؟؟؟؟؟؟؟؟؟؟؟؟؟

شوفي حبيبتي اتحملي الالم وشلي حلاوه من فوق ومن تحت صوب الشفرات حطي نشا واحلقي عالناشف

ماشي حل غيره

المشاركة الأصلية كتبت بواسطة كنافة بالقشطة

مرحبا حبيبتي اغسلي المنطقة و نشفيها زين ما زين و حطي نشاء مال الاكل عالمنطقة و شيلي بالموس النسائي هو بشي و عشرين من الكارفور او السوبر ماركت اي ماركة خذي و شيلي الشعر و لا تغسلين بالماي بس اضربي الموس ضربات خفيفة عشان يطيح الشعر و النشاء و كرري العملية لين ما يخوز الشعر كله و بعدين امسحي المنطقة بزيت زيتون و بس ^^

وما بيظهر الشهر بسرعة ؟؟ و كيف بالنسبة لللون بتسود المنطقة ؟؟؟

المشاركة الأصلية كتبت بواسطة كشيخه بوظبي

اخسج شي يوم يكون وراج عرس

شوفي حبيبتي اتحملي الالم وشلي حلاوه من فوق ومن تحت صوب الشفرات حطي نشا واحلقي عالناشف

ماشي حل غيره

اها حل حلو شكرا فديتج

المشاركة الأصلية كتبت بواسطة *مغرومه*

ما شي حل غير الحلاوه
عادي اول شي بيعورج بعدين بتعودين
انا كنت قبل اقول مستحيل اشل بالحلاوه
و الحين اشل بالحلاوه
والله و تعودت و عادي
حتى بتنسين انه فيج شعر في هالمنطقه
لانه يتأخر ما يطلع تقريبا 3 اسابيع
و ما ادري انا سمعت انه البنات يستعمل مخدر
موضعي ينباع في الصيدليه
روحي الصيدليه و سأليهم
مبروووووووووووووك مقدما
و بالتووووووووفيق

تسلمين حبيبتي شكل الحلاوة أهون من المكينة

ما اعتقد اقدر افيدج لاني من مستخدمات المووووس وعااادي عندي اسود ازرق بنفسجي مالي خلق اتعور تحت هع
بس الحمدلله ما اعاني من حبوب يوم اشل بالنشا او طريقة اخت اتحط زيت زيتون عقب اتشلين بالموس
واحيانا استخدم جل مال الرياييل من نيفيا الرغوة احطه واشل بالموس وما يظهر ولا حبة ،،،

مع اني اتحمل العوار بس مالي خلق اتحمله في هالمنطقة (كيف ما اعرف هع)