قبل كم سنه كنت اعاني من حبوب وبقع في ويهي ورقبتي وظهري وصدري وفوق هذا كله اسمرار في الويه بشكل ما تتصورونه..يعني فرق بين ويهي وجسمي مثل السما والارض..
بس الحمد الله من كم شهر حرمة اخوي تعالجة عند دكتور جلديه والله لا يوريكم كيف كان ويها .. حبوب شباب كبيره وندب وتصبغ بالويه..
وبعد ما شفة التغير في ويها.. قلت لازم اروح له..( مع العلم انها ماخلة دوله ما تعالجة فيها..لندن مصر تايلند.. ولا فيه فايده)..
وانا تعالجة عنده وما شاء الله تبارك الرحمن واااااااااااااااااايد تحسنة بشرة ويهي..والكل ملاحظ الفرق..
ما بطول عليكم وبقول لكم الكريمات اللي استخدمتهن وبالخطوات وما منكن الا دعوة بظهر الغيب..
خواتي بعطيكن الكريمات بس لازم تلتزمن باللي اقوله لان اذا ما التزمتن ما بينفع وبتخسرن فلوسكن..
اولا: اول ما تقومين من النوم الصبح او الظهر..
تغسلين ويهج بغسول Saforelle مره وحده اول ما تقومين من النوم..
وبعدها نشفي ويهج وحطي محلول ال zineryt تتدهنين به ويهج ورقبتج( فيه اسفنجه تنحط عيه) وبعدها بدقايق تحطين الواقي من الشمس ماركة Louis Widmer ( الواقي لازم تحطينه حتى لو ما تطلعين من البيت بس اذا تشتغلين او تدرسين كل ساعتين حطيه)..
ثانيا: بعد المغرب..
محلول ال zineryt تدهنين به الويه والرقبه وما في داعي للواقي..
ثالثا: الساعة تسع او عشر المسا..
تحطين كريم Quingel على ويهج ورقبتج وما تغسلينه تخلينه لين منتصف الليل..
رابعا: فوق الكريم Quingel تحطين كريم Benzac AC 25% وما تغسلينه لين صلاة الفجر..
ُثاني يوم تسوين نفس الشي ما عدا الخطوه الرابعة بدال Benzac AC 25% تحطين كريم acnomega 200 من ماركة Exfolica ..
أما اذا فيج حبوب في ظهرج وصدرج او بقع تحطين من محلول Exfolica lotion بعد المغرب او اي وقت بالمساء لازم..
اتمنى اني افيد الجميع..
واي استفسار انا حاضرة ..
وبالشفاء ان شاء الله..
بس عندي استفسار تدهنين ويهج كامل بمحلول zineryt
ولا بس مكان لحبوب؟؟؟
وهل هذي الادوية مضرة للحامل والمرضع ؟؟