شحالكم سيدات الامارات ؟؟
عزيزاتي ،، انا عروس مقبلة ع الزواج و ما عندي غيركم
يا سيدات الامارات أشاوركم و أسألكم ..
ربي يحفظكم و يوقفكم و يعطيكم ع قد نيتكم ..
خواتي الغاليات،، أنا والله و بكل صراحة ضاااااايعة 
أبغي أهتم بـ بشرتي على أساس أني عروس بس والله
ماعرف شو أسوي ما عرف من وين أبدا
و ماعرف شو الزين المجرب و شو الشين اللي ما أسويه
والله ضايعة و متلخبطة
خواتي عادي تساعدوني ؟؟
أبى أسوي جدول للعناية اليومية بالبشرة ..
مع العلم أنا بشرتي دهنية و أعاني من آثار حب الشبااااااب
فـ ويهي و ظهري و جتوفي و طبعا اسوداد المناطق الحساسة و الركب !!
بلييييييز اللي عندها جدول يومي ممكن تسدحونه لي علي أستفيد من خبراتكم و تجاربكم
والله بكون شاكرة لكم .. و ما راح أنسى وقفتكم وياي 
.
.
خواتي شو نصايحكم لي كـ عروس بالنسبة للعناية بالبشرة ؟؟
.
.
قبل ما أطلع سؤال ،،
أنا أستعمل اسكينول بس قالوا لي اني لو خليته على بشرتي و ما غسلته يسمر !!
صح هالمعلومة خواتي ؟؟
روتين العنايه اليوميه هذا لا بديل عنه ولاتكاسل أو تهاون ويشمل:
صباحا : غسول+تونيك+مرطب للعيون والوجه أو واقي من الشمس
مساء :غسول تونيك+كريم الليل اللي يناسب نوع بشرتج وعمرج للعيون والوجه
التغذيه : كوب حليب +صحن سلطه +كميه من البروتين + فاكهه+ شاي أخضر
روتين العنايه الأسبوعيه بعد لاتتهاونين عنه ويشمل:
سكراب + ماسك مناسب لنوع بشرتج
اذا بشرتج دهنيه وايد ممكن تحتاجين له مرتين بالاسبوع +مره وحده ماسك فقط يعني مرتين سكراب و3 مرات ماسك
التغذيه: مره وحده بس أكل من بره
الدوره الدمويه والصحه العامه:مشي بخطوات متسارعه لمدة ساعه كامله 3 مرات خلال الاسبوع
روتين العنايه الشهريه :
فايشال يناسب نوع بشرتج ويكون في صالون محترم مب أي كلام عشان ما تضرين بشرتج
بديكير + منيكير
حلاوه
التغذيه : اذا التزمتي طول الشهر بالجدول كافئي نفسج بسويت من اللي تحبينه في نهاية الشهر
قبل ما أطلع سؤال ،،
أنا أستعمل اسكينول بس قالوا لي اني لو خليته على بشرتي و ما غسلته يسمر !!
صح هالمعلومة خواتي ؟؟
صح 100% لأنه الاسكينول يقشر البشره يعني تظهر بشره يديده وانت تظهرين بالشمس على طول تحترق وتسبب الاسمرا
مبروك مقدما
لا خلا و لا عدم