السفيداب سر بياض الايرانيات والعيميات ^^ رووووووووعة وبالصور^^

تفضلن شوفن السر ^^

حجر السفيداب او حجر الباروق له اسماء عديدة وهو ياتي على شكل كور لونة ابيض ويسمى (سافي دو)بلغة الايرانية سفيد يعني ابيض بالايراني
وهو عبارة عن حجر بركاني موجود فقط في ايران وهو كطبشور ابيض اللون بسرعة يتفتفت في اليد ويصير كالبودره ومعروف عنة انة مبيض طبيعي 100% يوحد لون الجسم ويفتح المناطق الداكنة ومنعم للبشرة يعطيهاانعومة وطراوة خيالية

الطريقه للوجه

انا كنت استخدم الحجر بدون طحنه ،، لكن بعد طحنه حسيت الاستخدام اسهل و افضل
تاخذين الكميه اللي تحتاجينها و تخلطينها مع عصير ليمون وهو يساعد على التبييض ،، اما لو بشرتك تتحسس منه اخلطي مع ماء ورد ومديه على وجهك ،، او اي منطقه غامقه عندك في جسمك

طريقه اخرى
في البيت تطحنونه وتخلونه عندكم بعلبة وقبل النوم تجيبون ليمونه وتفركين بيها المنطقة المراد تفتيحهااا وبعدين اتجيبين يا طويلة العمر السفيدآب "المطحووون" وتحطينه على المنطقة وتفركينه بس مو بالقوو بعدين بتلاحظين طبقة مايله للبيج وبس لاتغسلينها .. صبري الين ماتجف وبعدين كملي حياتج عااادي:-) ونااامي
والصبح غسليه وياريت اتحطينه مرتين ترى بس ينشف ماراح يمللك

ملاحظه: لو بشرتك حساسه وماتستحمل الليمون حطي بداله مـــــاي ورد

1. السفيدآب مع الاستمرار يخفف ظهور الشعر في الجسم.

2.كذلك يفضل استخدام البودره قبل حف الوجه،، يقولون الحف يصير اسهل والنتيجه افضل.

3.السفيداب مفيد جدا في إزالة الخلايا الميتة ويعطي نضارة للبشرة على تورد …

أثناء إزالة الشعر …
حين تريدين إزالة شعر الجسم خذي بودرة السفيداب ووزعيها على المنطقة سواء الوجه أو الإبط أو الجسم … ثم قومي بإزالة الشعر (( بديل للبودرة العادية )) .. يساعد على سهولة نزع الشعر بالإضافة بأنه مع الوقت يبيض تلك الأماكن …

عد غسل الجسم تحت الدش ويكون حار شوي… يوضع السفيداب على الجسم10 دقائق..وبعده يفرك بالليفه.. ثم يترك عدة دقائق ويغسل الجسم.
ثم يفرك الجسم بصنفرة السكر والزيت بشكل دائري.
هذا يستخدم مرتين بالإسبوع.. ومره الحمام المغربي ونفس الطريقه… وبعد الإستحمام يدهن الجسم بالجلسرين السائل وزيت اللوز المر.

وللأمانة منقول ^^

انا اشتريت منه قبل ويربته والحمدلله النتايج روووووعة بس طريقتي كانت عادية للتبيض وازالة الجراثيم من الوجه والحمدلله يوم كنت اغسل ويهي كان لون السفيداب اللي ع الويه يتحول الى البيج ^^ فشلت عمري بس جد كان روووووعة ^^