حبايبي
اول شئ بخبركم عن تجربتي!
الله يسلمكم انوسه كانت عندها بشره حلوه و
صااافيه لين قبل 3 سنوات
يعني كل ربيعاتي و الاهل و حريم اخوان ريلي كانوا
يقولون الوحيدة اللي ما تحتاج
كريم اساس و بودره انوسه
لين ما قمت اروح الحوض و ما احط واقي الشمس
و بدى يطلعلي نمش
في الويه بس مب وااايد يعني كمن حبه على
الخدود
لين ما قبل كم شهر رحت الصالون اقص شعري
انا ما بكتب اسم الصالون او المركز عشان
موضوعي مب تشهير بهم
المهم رحت اقص شعري و الله لا يراويكم
ما خلوا عيب ما طلعوا في شعري اوكي انا معاهم
شعري خفيف و مب غليظ بسبب
الولادات و لله الحمد و مسكتني وحدة و حااااااولت
معايه اسجل للعلاج ب 4000!
و يوم قلت شو تستخدمون طلع العلاج عندهم
يبيعونه ب 80 درهم لمده شهر!!
اقصد الادوات و الزيت و ما اعرف شو
شريته و مرة وحده استخدمته و عقيته في ا لكبت
خخخخخخخ
عقب 3 اهجموا عليه و والله ما خلوا عيب ما طلعوا
ببشرتي
و اكثر وحدة مديرتهم مسكتني و قالت ويهج مبقع!
اللون مب موحد!
عندج حالات سوداء تحت عينيج
و عندج ما اعرف شو و شو شوو و خلتني اشوف
عمري شعشبونه ههههههههه
بس والله يا بنات عمري ما كانت عني حالات سوداء تحت عيوني
الا الحين من التعب طالعتلي
المهم قالت و قالت و اقنعتني ادفع 1500 حق 10
جلسات و اونها السعر بعد 50% خصم
و انوسه الهبوله راحت لهم لين ما كملت 7 جلسات
و قلت لهم يا حبايبي
ما شفت اي نتيجه!
و نسيت اخبركم 1000 درهم باعوا عليه كريمات
اونه ضمان تكمله النتيجه لانتي تن
anti tan
انزين يا فلانه ما شفت اي نتيجه
الا تقول حبوبتي ترى انتي تان ما يعطي نتيجه غير اشراق البشرة!
قلت و مب انتوا قلتوا فيني بقع ؟ و بيشيلهم ؟ و
قلت كيف؟
قلتوالي في بقع بالمنظار نشوفهم !!
الحين بدون منظار ينشافون اهي اهي اهي
و الحين ويهي من كثر ما حطت عليه جهاز كهربايي
والله حتى اسناني قاموا يعوروني
و جهاز الفرشاة اللي تحك البشرة و دمروالي اياها
غير ان العروج الحمر الصغاااااااااااار بينوا من تحت
الجلد و ما كان شئ من قبل
من كثر حطت هالاجهزة و مسكت خشمي
و تضغطهم بالاطراف خخخخخ
الله لا يسامحهم
المهم قالت حبيبتي عندنا علاج و هو اكيد!
علاج بالذهب عيار 24 ! مالج الا هالعلاج عشان
يصفي بشرتج
و انتي ا صلا ما عندح مشاكل كثيرة و ها كلام
الحرمه اللي تسويلي فيشل و قالت الحين
عندهم خصم 30%
و قالت الحين ب 1750 و عقب بيكون بشئ و 2024
بغيت اقوم و اعطيها كفخه على وييها و الله ما يخافون ربهم
نسلمهم اعمارنا و يخربون ويههنا عشان نستمر عندهم
كل خراب يقترحون بعلاج ثاني و اغلى
باقيلي 3 جلسات و دافعه بغير للشعر و لا بخليلهم
الحين خبرونا بتجاربكم الحلوه و مره مع الصالونات
و مراكز التجميل الاخرطي اللي عندنا
من دون ذكر الاسم بليييييييييييز
فعلا هاي حركات مال الصالوونات
وانتي حاولي الي تشوفينه بعينج اتصدقينه مب كل كلام ينقال عن ويهج وشعرج اتصدقين انا ياما عقيت مبالغ على الصالونات ومراكز التجميل وكله خرط وكلام اللحين خلاص توبه اعطيهم في الويه واذكر لهم الاشياء الي سويتها والاسعار وانها ما فادتني يسكتون
ومآ تشوفين شر .. ولآ تتعبثين بعمرج وآيد ..
وتمت اطلع العيوب اللي فيني وباعتني اغراض ب500 وانا ما عندي غير 500 وزوجي محد
قلت لها خلاص ما بشتري ما عندي خرده قالت لي دبري خذي من الشغاله تسلفي قلت لها اخاف زوجي يرفض يعطيني اردها المهم احاول اتهرب منها قالت لي اذا ما رضى يعطيج خذيها بالدسه من بوكه
طبعا رفضت وعصبت مني وقالت انا كتبت الفاتوره وبتستوي لي مشكله ما ادري كيف اتخلصت منها ذاك اليوم
وااايد صواين يتبعون هالطريقه واحس اسعارهم ضعف سعر السوق واحنا نستحي
اشوفني يوم اشتري من الغالي ما منه مفعول
وتسلمين موضوعج حلو بس انا شطحت اشوي برى
أنا وحده أعطي كاش في الويه …يعني اللي اتيني تقولي عندنا وعندنا أقولها شكرا مب محتاجه …طبعا هي تستمر بالرمسه بشرتج فيها وفيها وانا أمشي عنها واحسسها ان كلامها مب هامني
لا وانا قشهم في المكونات وجذه فيخافون مني ويبتعدون
أحيد مره دخلت ويا اختي ميشا بتشتريلها شغله بسيطه وكان عندهم وحده يديده سوريه أظني مسكتنا من منتج للثاني والله كأنها راديو شغال ما عندها فواصل ولا تقاط أخر السطر واختي تطالعني وتضحك …أخر شي وقفتها وقلت لها :حبوبه انت أول مره تشتغلين في محل (مسكت بريك وانصدمت من سؤالي) قلت لها ما عطوج دورات كيف تجذبين الزباين؟؟؟شو ها يالسه تنقزين من كريم للثاني وما تسكتين شوي وتخلين الزبون يطالع ع راحته….حتى ما عرفتي شو رايي في كل كريم تكلمتي عنه ..هدي شوي وعطي الزبون فرصه يتكلم …انا مب يديده ع المحل ..اشتري منه قبل ما يفتح في الامارات من بانكوك يعني كل اللي ع الرفوف اشيا اعرفها ولو تبغيني اقولج المكونات بعد انا حاضره … وووووالمهم الحرمه سارت ويلست ورا الكاونتر وهي كاشه….يوم سارت اختي بتحاسب قالت لها انت دوم اتين ويا اختج؟؟؟؟؟
الخلاصه يابنات لاتصدقون اللي في الصالونات دايما …يعني اذا انت حاسه بشرتج فيها مشكله قويه يبقى محتاجه دكتور جلديه ولاتاخذين عنهم الا اللي تكونين مقتنعه انه ممكن يفيدج ..اقري النشره الموجوده بالعلبه ..او اكتبي اسم المنتج وادخلي الانترنت سوي سيرج..المهم لاتعقون بيزاتكم في الهوا ..نحن مانزرع البيزات في الحوي بالليل ونحصدها الصبح
والله ان كلما أدخل صالون يحاولون وياي بكل شي حتى صبغة الشعر المهم اني ما أطلع من عندهم الا وانا دافعه مبلغ وقدره بس الحمدلله أختكم لين الحين صامده ويوم ابغي اشتري شي افصصه من كل النواحي…بعد راس مالنا ويوهنا
أنا يبطون جبدي يوم تقولج الوحده منهم :مش مشكل ازا بتجربيه ..هيدا حقو بس 350 درهم ..على طول أقولها :
شو رخيص عيل عطوني اياه هديه خخخخ