..كيف حالكم بنات وحريم..
ما بطول عليكم وبدخل بالموضوع ..انا مره اشتريت صابونه اسمها الصابون السحري وبالفعل استخدمتها ولاحظت اني ابيضيت ..وسألتني ربيعتي عن سر تفتح بشرتي فقلتلها عن الصابون السحري..وبعدين قالتلي ليكون الصابونه زرقا وكرتونتها خضرا ..قلتلها هيه هذي هي ..وجان تقولي ابيه لا تستعمليها هالصابونه مضره وتسبب سرطان..الصراحه ما صدقتها وسويت بحث في قوقل وطلعلي نفس اللي قالته اربيعتي ..انا مو متأكده بس الاحتياط واااجب ..وكل شي الا الصحه..والصابون اللي عندي فريته بالزباله..
… فانا كتبت الموضوع للنصيحه ..وما قصدي شي والله ..الله يبعد عنا الامراض ولا يبلينا فيها.. والسموحه منكم ..
وهذا الربط ..https://********.maktoob.com/showthread.php?t=270654
وانا قايله اليوم بسر اشتري منها كميه
لانهم يمدحونها وايد واتبيض
انزين اختي فيه نوع ثاني من الصابون السحري غير هذه الي نطريها نحن
الزرقه والي كرتونها خضره فيه نوع ثاني عند العطاريين
وللبشرتين الجافه والدهنينه
هل هذا النوع زين وله بعد شراته
ابليز فيديني اختي
والله ماعرفنا شو نستخدم عندي من هذا الصابون ابرك واحسن ارمية ولا استخدمة
حبوبة تسلمين فديتج نبهتينا وربي يجعلى في ميزان حسناتج
المشاركة الأصلية كتبت بواسطة ام سيف 22 
وانا قايله اليوم بسر اشتري منها كميه
لانهم يمدحونها وايد واتبيض
انزين اختي فيه نوع ثاني من الصابون السحري غير هذه الي نطريها نحن
الزرقه والي كرتونها خضره فيه نوع ثاني عند العطاريين
وللبشرتين الجافه والدهنينه
هل هذا النوع زين وله بعد شراته
ابليز فيديني اختي
والله اختي اللي اعرفه ان الصابون السحري هي الزرقا وكرتونتها خضره ..وانا خذيتها من العطاره هي نفسها ومكتوب عليها آخر اكتشاف امريكا مثل جي ..ولها مفعول قوي للبياض..والله اعلم..