السلام عليكم ورحمة الله وبركاته..
خواتي الكريمات.. بغيت اسألكم عن الليزر للمناطق الحساسة..
هل فيه حد منكم مجربه؟؟؟
والله خااطري اسويه.. بس عندي اسأله.. هل لازم تشوف المنطقة؟ ولا يقدرون يسوون بدون ما يشوفون؟؟ وكم الفترة للي يتم فيها بدون ما يظهر شي مرة ثانية؟
وهل لها تأثير مستقبلا؟ انا حالياً حامل وافكر بعد الولادة اسويه ان شاء الله ..
وهل تحسون انكم استفدتوا منه؟؟
ووين احسن مكان يسوويه في دبي أو بوظبي ..
ولكم التحية :22 (22):
حرام يالغاليه …حرامممم ثم حرام … و بعدين الليزر خطير يجتل الاعصب في هذيج المنطقه على حد ما سمعت …و يسبب البرود الجنسي …
هذا والله اعلم
اختج في الله
اختي نسيم البر صح لسانج وتسلم ايدج غناتي بس الي سمعته انه الحلاوه وكثرتها هي الي تجتل العصب من كثرة التمجع والألم الي يسببه وفي النهايه للبرود الجنسي …
والله اعلى واعلم
نتريا الخوات يفيدونا
انا ما افتي .. بس حابة اسألج سؤال : ريلج يرضى انج تكشفين عن عورتج برع بيتج و بدون سبب واضح .. الا انج اتعايزت تستخدمين الحلاوة او المكينة .. و حتى لو وافق .. شو يضمنج انه العياده ما يصورون او انه اللي بتسويلج امينه و تقول عنج شي لزباينها ..
الله يستر علينا و عليكم ..