انا من زمان ضعيفة ولا مرة متنت فحياتي والله جربت كلشي ومافادني وايد سالفة تحليل غدة وجي ماشي فايدة والله وانا اكلمكم توني اسمع وحدة قالت يالسلق الصراحة موضوعي صعب دورولي حل اعيش مرتاحة وافتك من عوار راس واكون مربربة والله بعد مشكلتي فييني ارق شديد ما انام خير شر تعبانه من اسبوعين مب نايمة قلبي يعورني قمت انسى وايد والله 
معاناه 
فيني هالات شعري يتساقط مخي يعورني ما استوعب شي كله سرحانة اغيب وايد جسمي يعورني فيني عصبة عدة اماكن ارهاق تعب عيوني محمرة كل هذا فيني واللي يشوفني يقول عندها مشاكل والله العالم ماعندي مشاكل الحمدلله مرتاحين بس ليش فيي جي واعيش هالعذاب الوحيدة فالبيت جي انا من العين دلوني على احسن دكتور تغذية اوقولولي شو اسوي انصحوني دلوني ياااااارب القى حلللللللل
شهيتج للأكل كيف؟
ها الانستجرام مالها :
@reeminerals
انا بخبرج تيبس حلوين تمشين عليهم و بيزيد وزنج ان شالله ..
جوفي الهلات تستوي من سوء التغذيه او من الانيميا او من السهر او الوراثه
اذا كنتي تسهرين خخفي وقت السهر .. اذا من التغذيه كلي فواكهه و خضرا وماي و سبانخ .. و اذا من الانيميا خذي مقويات الحديد
ثاني الشي النحافه .. اول شي يمكن عندج دود يمكن لان هالشي يسبب نحافه .. اشربي خيله طهر الامعاء ..
عليج بالحلبة الحب تجرشينه و تشربينه ويا اللبن صبح و بليل
خذيلج كيلو يوزج و بيدام و كازو و اطحينيهم و كل يوم على الريج ويا خاشوقه عسل اصلي
يوم بتسويلج الاكل حطي زبده او سمن فيها ..
يعني العيش صبي عليه زبده سايحه وكليه
زيدي عدد الوجبات
و كلي مع كل وجبه سلطه او 3 انواع فواكه
اشربي عصير موز بالجوافه يزيد الوزن
داومي على هاليبرنامج شهر او شهرين وجوفي كيف بتكرشين بعد خخخخخ
انا كنت ضعيفا و زاد وزني من الحلبه الرائعه لا ريحه و لا شي اطحنها طحن خفيف و اشرب وراها ع طول لبن يوميا لمده 14 يوم انتفخت نفخه حلوه و اثرها دائم والله
سوي رياضه وكبري العضل عندج بس لا تمتنين
وعن تساقط الشعر ما تاكلين اكل فيه فيتامينات مثل الخضره والفواكه
كثري من هالسوالف وان شاءالله بيوقف التساقط
والهالات رقدي عدل وبيخفن ورقدي رقاد الليل هب النهار