شحالكم أن شاء الله بخير ..
قبل لا أبدى بيومي الأول بقولكم قصتي الحزينة أو الإهمالية في نفس الوقت 
طبعا بطبيعتي الكسولة أسوي رجيم لمدة أسبوع و أهده 
حتى لدرجة أني حطيت موضوع أو موضوعين هني أستمريت عليه أسبوعين و هديته ههههههه
كنت قبل أسوي رجيم بس مب هاك الزود فضعفت 4 كيلوات وايد علي !! 
فصرت 64 و كان جسمي نوع ما مترتب ..
و خلصت السنة و يت سنة يديدة و كانت العآش ثنوية عامة تموت على الدرجة الوحدة و ما عندها وقت للرياضة ..
و أهملت نفسها أكثر و كل يوم أكل من برع و أكل كفتيريا 
لين ما صار وزني 70.8 TT.TT
رحت المستشفى قالولي لو ما أنتبهتي على أكلج بييلج الكرسترول
و حتى لدرجة أن أثر على دورتي قامت تتأخر أسبوعين أو أكثر !!
فقلت لازم أنتبه على نفسي , فحاولت أسوي كنترول على نفسي , لين ما صرت 67 قبل رمضان .. 
و في شهر رمضان المبارك تميت آكل أكل قوم .. 
و الحمد لله في نفس الوقت كنت أسوي رياضة فزدت كيلو و نص و صار 68.8 ..
و مضت الأيام لين يوم الخميس هذا فوزنت و صار وزني 68.2
فقررت أني أفتح موضوع و أفتح صفحة يديدة مع نفسي و جسمي .gif "12 (96)")
و أخلي إرادتي قوية ..
و أني أبدى بالرجيم و أنني أدعي الله في كل صلاة أن يعيني عليه و على أني أخسر وزني ..
و هاذي هي قصتي بالاختصار 
..
المهم تطلعاتي في الأيام الياية :
وزني الحالي : 68
الهدف الأول : 63 بما أنه بيكون بداية الوزن المثالي أو المقبول
الهدف الثاني : 58 لأنه طولي 158
الهدف الثالث : 50 و يارب تعيني عليه
و أبا منكم أنكم تشجعوني و لو كان يومي مو كامل قولولي
و مشكورة حبيبتي على التشجيع
بما أني بنتقل من المدرسة إلى المرحلة ثانية فعلى حسب علمي عن أكل التقنية أنه دسم
و طبيعي أن الوحدة تزيد يمكن 7 كيلوات TT_TT فالله يعيني
لكن بحاول أشغل مخي و أدور البدائل و أكيد أن شاء الله بلاقي
وان شاءالله توصلين للمثالي
أكيد بنشجعج متابعه لج
موفقه
ربي ينولج اللي بخاطرج يا رب و توصلين للوزن المطلوب
اهم الشي تركين ع انج تخففين من اكلج والاكل يكون صحي كثري من السوائل والماي
والمشي والرياضه
بعد
يارب اتشجع انا وابدا انزل وزني يا رب
موفقه
المشاركة الأصلية كتبت بواسطة زهرمار 
وان شاءالله توصلين للمثالي
أكيد بنشجعج متابعه لج
موفقه
مثل ما قلتي أهم شي الاصرار و العزيمة هي سر نجاح الرجيم
مشكورة على التشجيع
المشاركة الأصلية كتبت بواسطة كلامي عسل ربي ينولج اللي بخاطرج يا رب و توصلين للوزن المطلوب
اهم الشي تركين ع انج تخففين من اكلج والاكل يكون صحي كثري من السوائل والماي
والمشي والرياضه
بعد
يارب اتشجع انا وابدا انزل وزني يا رب
موفقه
آمين يارب
و أللي قلتيه وايد مهم فأكيد أزيد سوايل و أسوي رياضة
و أن شاء الله تتشجعين و تكتبين يومياتج و أشجعج فيها ^^