مليـــــــت من المحاولات، كيف أقوي إرادتي

السلام عليكن خواتي

أنا عمري 31 سنه و مب متزوجه، من بلغت و أنا اعاني من السمنه، و صارلي 15 سنه و أنا (أحاول) اضعف

كان وزني قبل (108كيلو) و خفيت وزني و وصلت الين (78 كيلو) في خلال 10 شهور بدايت صحي و مع اخصائيه تغذيه

و عقب مريت بظروف و طلعت كل حرتي بالاكل و زاد وزني و وصلت ( 95 كيلو)

و تميت سنين على هالحال ، و حاليا احس بضيــــــــــــــقه فصدري

مب رايمه التزم بالدايت مع اني رديت لاخصائية التغذيه بس صدق مب رايمه التزم

أتلذذ الاكل و أحب المطاعم

أحب الدسومه و أحب المعجنات ، مع انه المعجنات واااايد تأثر في وزني

كيف أقوي ارادتي؟
مليييييت من المحاولات ،أبا أخف وزني بس مب رايمه أقاوم الأكل، متى بعيش حياتي؟

اختي حاولي تنضمين ويا قروب بنات عسب تشجعون بعض

الله يوفقج*

ربي يعيينج ،، حاولي اتقويين عزيمتج ،،

الاكل والعيشه ما بطير من العالم ،، لاحقه عليها خلاف

حاولي انج ما اتروحين مطاعم وايد واذا بتروحين طلبي سلطات وشوربه

انا كنت نفسج اموت ع المعجنات والعيش عندي شراهه اكل

بس صدق عاانيت من الغازات والمتن والتعب

وهنيه قلت بسسسسسسسسسسسسس كااافي

بديت اقرا بالنت مواضيع بالانجلش والعربي عن الصحه

واقتنعت اخيرا اني لازم اعدل وضعي ،،

وبديت اول شي انظم الايض عندي
فبديت بحمية بيفرلي هليز ،، قريت عنهااا وايد ،، ما بيصير فيج شي اذا مشيتي عليها ،، كله اكل صحي والمهم تعدلين نظامج وبعدين ع كيف كيفج شو بتاكلين ،،
وعقب ما مشيت عليها عرفت كيف اكل ومتى اكل وشو اكل

وطبعا مع شاي زنجبيل وشاي اخضر المهم شاي عشبي ورياضه نص ساعه اقل شي كل يوم

والحمدالله الحين احسن عن قبل بواااااااايد

موفقه

كلي اللي تبينه بكميات صغيره لاتحرمين نفسج من شي
وحتى لو كثرتي اكل زيدي رياضه ولاتهدين الرياضه ابدا ابدا وحاولي تسوين انواع رياضه تمتعج وتحبينها مثلا سباحه

وانا رأيي من راي شيخه رآك أنا نفسج عانيت وايد ويا رجيم وابدا ما عندي اراده بس اكل جذيه من المطاعم بدون لذه حتى بس فكري فيها لين متى حطي في بالج انه السمنه مرض ويباله علاج وصبر وفتره طويله لين ما تتخلصين منها فمن رأيي دخلي دائماً مواضيع تشجيعيه قصص ناس ضعفو صور شوفي الملابس اللي تحبينها كيف بتكون عليج لو ضعفتي فكري جذيه ونصيحتي لج لا تسوين رجيم سوي رياضه وشربي ماي وايد وخفي الاكل ولا تحرمين عمرج من شي

هههههههههههه أنا كنت مثلج لين اتشجعت مع خواتي وصممنا نبدأعالم الرشاقة ونحن مكملين لين نوصل لليمتد المحدد كل ما تفكري بلأكل اذكري الناس اليواعه ..وحاولي ما تشلين فلوس وايد عشان ما تشترين واااايد

وصومي تقربا لله أجر وفايدة

اشكركن خواتي واااايد على ردودكن، انا الحمدلله صامده الين اليوم

اليوم هوه الرابع فالدايت، باديه غسيل مخ لنفسي

شليت كلمة محاوله من بالي و بديت بالفعل

علقت صوري و فستان اشتريته مع انه قياسه صغير

بس الله يثبتني