تجربتي مع الزيرونا والفيلا سمووووث

السلام عليكم بنوووتات

حبيت اعرض لكم تجربتي مع الزيرونا والفيلا سموث، اسويهم مع بعض فسوولي خصم وطلع الزيرونا ب 7500 والفيلا سموث ب 2800

بالنسبة للزيرونا اسويها لمنطقة البطن بس يعني 40 دقيقه كلها ع البطن يعني تركيز اكثر من اللي يسوي 20 دقيقه في منطقة و 20 دقيقه في منطقة ثانية

خلصت 5 جلسات للحين وخذولي القياسات وبياخذولي عقب ما اخلص بعد

والزبده راحت فلوسي ع الفاضي

ما نقصت ولا ربع سنتي ويوم كانت تاخذ لي القياسات تقولي انتي اللي نافخه بطنج لوووووووووول
اقولها لا والله مب نافختنه
المهم يوم شافتني اضايقت قالت لي بعد لج جلسه وعقبها بنشوف واذا تبين خذي حصة ثانية يعني 7000 ثانية>>>>>>>> تتحسبني احصل البيزات معقوقه في الشارع

المهم هاي تجربتي السيئة مع زيرونا وبعدني بخبركم عقب الجلسة السادسة اذا نزلت عشان ما احط في ذمتي عليهم
مع ان الدكتورة قالت لي ان في حرمه نزلت 27 سنتي من كل جسمها (يعني هم مثلا البطن يقايسون صوب المعده والسرة وتحت السره ف المفروض انج اذا نزلتي في بطنج سانتي يقولولج نزلتي 3 سنتي!!!)

اما تجربتي مع الفيلا سموث ف الحمدالله انا راضية عليها لان كان شكل ريولي أرف بعيد عنكم
يعني شكل قشرة البرتقال والحين وااايد تحسن وبدا ينشد وتوني مخلصة 4 جلسات وبعد عندي 8 وان شالله خير

فقررت يا بنات ان ما شي بيخوز ها الكرشة غير اني اربطها 24 ساعه وامشي كل يوم عسى ربي يوفقني اني ارد لجسسمي مال قبل الحمل

اي اسئلة انا حاضرة بس ياريت يا بنات ع العام عشان الكل يستفيد

ملاحظه: انا ما ذكرت وين سويت الجلسات لاني ما اعرف اذا من حقي اذكر اسمهم ولا لا بس انتو اكيد عرفتوا لاني من بوظبي فمافي غيره خخخخخخخ

اخواتي انا جربت الجهاز ..
وخلصت كل الجلسات وزيادة .. بس ما مثل ما احنا متخيلين ..

على حسب ما يقولوا القياسات عندي نقصت وخسرت 14 انش .. بتقولوا حلو وايد ..

بس افسر ليكم 14 كيف ؟؟

من كل الجسم مو من منطقة معينه انا مركزه الجهاز على الحوض اللي ما نقصت منه غير نصف انش ..والباقي من كل مكان في الجسم على انش وشويه مثل الصدر البطن الوسط الايد الرجل ….

مجمل ما مبين انه في فرق وايد .. واحس اني زعلانه على الفلوس .. ما شويه اللي دفعته ..وبغبائي ما رضيت انتظر لان ما اشوف اختي تخلص عشان اعرف النتيجه قلت لازم اسبقها واسوي معاها ..

راحت الفلوس والجسم مثل ما هو ..

واللي حابه تجرب كيفها بس نصيحة اذا فاضيه حاولي تروحي المركز يوم وراقبي الداخلات او تكلمي مع اي وحدة بتسوي وتسأليها يمكن يكون يفيد على ناس وناس لا .. الله اعلم ..

هلا اختي
ها الجهازنفس الال بي جي يعني يسوي مساج واشعه حمرا في نفس الوقت عشان تأثر ع الدهون بسرعه
وهي تشتغل تحسين بحراره ويعور شوي يعني مثل مساج تكسير الدهون

الله يعوض عليج انتي مثلي عنبووووه ما رمنا نتريا شهرين ثلاث لين نشوف تجارب الناس كيف
يالله درس وتعلمناه

السلام عليكم

أنا اليوم سرت أسأل عن الجهاز " زيرونا" لأني كنت ناويه أسويه بس ما نصحوني فيه قالولي وبكل صراحه إن النتايج على حسب الشخص يعني مش مضمون ونصحوني بالشفط

نصيحة ترى مووووول ما ينفع
يعني على ها النتايج 200 درهم الجلسة وايد عليه