أبغي أي وحده منكن تساعدني وتشجعني اني اتم على نظام معين و اضعف …
فكرت اسوي لي رابطة مشجعات ^ ^ بس عسب يشجعوني كل ما اتحمس ابرد … ابغي حد اتنافس وياه ..
ماعرف المشكلة مني ولا من وزنــي مب طايع ينزل ربع كيلو .. مع اني ما آكل الا تقريبا وجبة في اليوم ،، وفي الويكـــند الهط ( عيش ، وبرياني ومجابـيس ) بس طول الاسبوع ما في شي …
اللي تعرف نظام خفيف و عملـي ممكن انه يضعفني ،،، تفــــره صوبــي
اغلب الانظمة اللي القاها احس بها عبالــة اتعايز التزم بها .. الا سمج والا مشوي و الا خضرا مفورة … !!
> __ < وايد خربطت ،، استحملـــوني ,,
بس اتريا ردودكم
عمـــــور
جوفي الغاليه بقولج رجيمي بكل بساطه عسب تفهمينه عدل يا الغلا 
الفطور:-
توست اسمر مع شريحتين جبن قليل الدسم أو
توست أسمر مع بيضة مفوره
وتشربين معاهم شاي بدون سكر او مع سكر الكاندريل …….
الغداء :-
دجاج أو لحم أو سمك مشوي بدون خبر
أو شوربة حارقة للدهون وبقولج طريقتها لان اللي انا اسويها غير عن الشوربة اللي متداوله …
جوفي الغاليه الشوربة هذي مكونه من
ملفوف وبصل ودجاج وكوسه
تفورين الدجاج بعد ما تخلينه قطع صغيره
تحطين في جدر الملفوف والبصل والجزر وتفورينه عدل
عقب بالخلاط تحطين كل من الملفوف والجزر والبصر اللي فورناه وشوي من ماااي الي تفور فيه وعقب تردينه للجدر وتحطين فيه قطع الدجاج المفور وتضيفين البهارات من ملح وفلفل وغيره بس لا تكثرين الملح لان الملح يخزن الماي في الجسم اوكي …..
العشاء يكون على الساعه 6 لين 7 مكسمم ليش؟؟؟ عشان تعطين فرصه لجسمج بحرق اللي تاكلينه
العشاء اما يكون شرات الفطور او الشوربة او زبادي قليل الدسم …
بالنسبة لي على الساعة 8 اسير امشي مدة ساعة مشي سريع ……..
هذا كل شي واذا عندج اي سؤال انا حاضره يا الغاليه …
وانتي لازم تاكلين وجبات صحية ومش زين انج تاكلين وجبة وحدة في اليوم
قوليلي كم وزنج وانا بروحي اريد اتشجع وانزل وزني من 5 الى 10
وبنسويلنا برنامج شو رايج؟؟؟؟؟؟؟؟؟؟ظ
الجوع هو احد اسباب ثبات الوزن والي تسوينة غلط
تدرين عشان تضعفين لازم تاكلين خمس وجبات
الي هم ريوق سناك غدا سناك عشا
ولازم امبينهم 3 ساعات
وعندي لج طريقة سهلة
شوفي الصحن امممممممممم قسمية النص خظار او فاكة والنص الثاني ربع كاربوهدرات وربع الثاني بروتين
^_^
مع المشي وتمارين الصباح
راح ينزل وزنج اشوي اشوي وبتحسين بالفرق
المهم الاكل الصحي ولا توصلين مرحلة الجوع ^_^
موفقة يا ربي
ومن فتره بديت أتعالج عند دكتور عشان الهرمونات وتكيس المبايض … وقالي لازم تنزلين وزنج
وطنشته
بس من 3 أسابيع صرت أتريق وأتغدى ما أخلي شي ما آكله يعني ممكن آكل لين الساعه 6 المغرب بالكثير وعقب اسكر حلجي
والحمدلله في الثلاث أسابيع نزل وزني 5 كيلو … 2 كيلو في الأسبوع الأول و 3 كيلو في الأسبوعين الأخيرين
يعني لا أسوي ريجيم ولا غيره
آكل كل شي يطبخونه عيوش مجابيس برياني أي شي اشوفه جدامي حتى الخبز الرقاق ويا سمن البلاد >> مفتريه خخخخخ
آكل كاكاو وجيبس … آكل عادي يعني
بس ما أتعشى وأخلى آخر وجبه قبل الساعه 6 وماتكون ثجيله أصلا مايكون لي نفس خلاص
ربيعاتي يقولن يمكن من الأدويه ويمكن متنج كان بسبة لخبطة هرموناتج … بس الحمدلله للحين النتايج مرضيه وبدون عذاب
نظام عادي أقدر أستمر عليه طول حياتي بعد بدون ما أحاتي اذا رديت آكل وهالسوالف مالت الريجيم
