هذي الصفحه هي تجمع للبنات النحيفات .. بخبركم سالفتي بالأول
انا نقص وزني في رمضان 2 كيلو قلت أول ما يخلص رمضان من العيد ببدأ أشد حيلي عشان أرد هالكيلوين و أزيد أكثر من وزني …
فنظامي كان يعتمد على الأكل الي يحوي سعرات حراريه عاليه 
و ياليت الي يشاركون في هالتجمع يتبعون النظام و يكتبون كم الزياده في كل اسبوع و نبا همه و اراده و ماشي مكان هني للكسل مفهووووووم
نظامي كان كالتالي أعتمد على العصاير مثلا:
اخلط بطاط ( هيه لا تستغربون بطاطا سعراتها عاليه و تكبر الأرداف ) مع عصير موز او مانجا و افوكادو..
السكر أحط بداله عسل طبيعي
كنت اشرب حليب + عسل طبيعي ( ملعقتين تقريبا )
اكل سنكر يوميا حبتين لان الوحده سعرتها الحراريه 300
و أهم شي و الي هو أعتبر السر الخطييييييير هو حليب بوقوس
دايما اقرا البنات يمدحونه للنحاف و عن تجاربهن بس مادري ليش ماخطر في بالي أجربه لين بصدفه قلت خلني أقرا كم سعرات الحراريه للقوطي الواحد
و تفاجأت انها أكثر من 500 يعني رهييييييييب بمعنى الكلمه لانه عباره عن حليب مركز..
أحط قوطي كامل حليب بوقوس + اي عصير ..
و انا قاعده أكل في تمر و مكسرات
ما كنت اخذ حبوب فواتح شي ماعدا خلطة اعشاب شريتها من كنوز الطبيعه اشرب منها ملعقه صغيره في عصير بعد الاكل و احس مفعولها زين..
و الحمد الله زدت 2 كيلو قولوا ما شاء الله ..
……
بنات الي بتشارك تعتمد في نظامها على
حليب بوقوس يوميا 2 مرتين مع عصير + 2 سنكر + تمر
هذيل أهم شي
و الي خاطرج فيه كلي و لو حبيتن تستخدمن فواتح شهيه ما عليه المهم الي ذكرتهم لازم يكونون في قائمة النظام..
يالله منو تشارك ؟؟
اختي انا من قروووب الدبدوبات … لكني ربعتي مثلكم
نحيفة جدا جدا جدا .. وتبا تمتن ويستوي لها قوام
اذكر مرة وحدة متنت .. كنا نفطرها دوم زبدة ومربي مع الروتي لي بالحليب
وساعات خبز براتا مع اللبنة والزعتر
والغدا عيوش دوووووووووووووم
ولازم سويت راااهي
والعشا سندويشات
وبس … لكنها رجعت لضفعها من ودرت شلتنا … يعني نحن متنا وهي تمت مثل ما هي
الله يوفقكم جميعا
بس شورايج ابدل حليب بوقوس بحليب فرش؟
بس مشكلتي ع الأكل من رابع لقمه احس انه بطني امتلا حتى مااروم اتنفس واذا اجبر عمري ع الأكل احس اني تكرمون برجع مااعرف شو الحل
انا كان وزني من عقب ماخلصت جامعه 42 وعقب قمت استخدم المسيقور وزت 6 كيلوو بس خليتهن لاني ابغي شي طبيعي ماابي حبوب ….
وان شاء الله ببدأ وياكن وشدووو الهمده خخخخخخخخ نحن انعاني من صوب والدبدوبات من صوب
ياااااااااااااليت تفيدوناا وامتن صدق هالمره
على فكره وزني بين 39 و 40 يعني يوم اكل 40 ويوم ينهضم 39
؟؟؟؟؟؟؟؟؟؟؟؟؟؟؟؟؟؟
سالفتي ويالاكل قبل بالمدارس ماكنت اكل كافي مووووووووووووووووول خير شر يقولن ييب الحب الشباب بس ان وزني حلووووو كنت احب اكل وايد حليب وايد عقب الزوج النفسيه لها عامل اساسي بنسبه لي مرت علي مشاكل اكره في الاكل ويوم اسمعي بيستوي صراخ في البيت عق القمه من ايدي واحس انا السبب بيستوي شيء والله يستر المهم مابدخلكم في هموم التسد النفس بس من اليوم ورايح مابفكر بشيء غير عمري لان الدنيا فانيه وحرام ماتهنين فيها عدل خخخخخخخ طبعا بالاكل استغفر الله وزني الحين 44 اتمنى يوصل 52عل الاقل بس خاطري يستوي 67 خ اكيد بيطلع شكلي يلوع
يا ربي شكثر نعاني نحن من الضعـــف..والله مليييت من كل شي..انا مشكلتي بس ايلس عالسفره آكل لي كم من لقمه واقوم أحس اني بسرعه اشبع… ومن كم يوم روحت الصيدليه وخذت لي فيتامينات وعلى الله تنفع معايـه وبخااطريه اجرب الحبوب الصينيه بس ماعرف ليييش متخوفـــه منها واااااااااااااااااااااااايد..
فيدوني الله يجزيكم كل خير يا ربي..