لو سمحتوا وتكرمتوا يا أمهات ممكن تخبرونا تجاربكم ويا الأشياء اللي ساعدتكم وايد على فتح الرحم وتسهيل الولادة وتسريع الطلق؟
طبعا انا بجريه ما عندي خبرة بس خلنا نستفيد من بعض
اعرف مغلي الزعتر والجرفه وأكل التمر وماي زمزم وماي الورد ويا الزعفران وعشبة كف مريم
وأهم شي المشي طبعا وايد يساعد
بس بعد ابغي تجاربكم والتسهيل من الله
وامشي وااايد وكل ماييني الويع ايلس يلسة القرفصاء وادعي.. والحمدلله تتسهل
الله يسهل عليج ^^
المشاركة الأصلية كتبت بواسطة مرافئ صمت 
وامشي وااايد وكل ماييني الويع ايلس يلسة القرفصاء وادعي.. والحمدلله تتسهل
الله يسهل عليج ^^
فديتج تيلسين هاليلسة يوم ييج المنان والا الطلق
توها بنتى 4 شهور وﻻ خلصت
شي يوم دخلت التاسع ماسوته
وﻻ شي أثر كلها بإذن الله
نص الثامن امشي مشي نص ساعه يوميا
اخر اربع ايام من الثامن
قبل ماتروحين تتسبحين وانتي ف غرفتج
ايلسي يلسة الحمام العربي وتيودي بالكرفايه
ومشي وانتي يالسه هالوضعيه عالاقل لو 5 خطوات
يساعد في توسيع الحوض ومرونته من تخلصين
اترسي البانيو ماي دافي الى حار تقريبا
ويلسي فيه بعد نفس الوضعيه القرفصاء
ويوميا عليج بكوب كبير مغلي الزعفران الاصلي
حليه بشكر او عسل
..
سوي هالاشياء يوميا لاتقطعين لو قطعتي يوم عادي مب مشكله
والزعفران عادي يوم هيه ويوم لا
هالاشياء تساعد في
توسيع الحوض ومرونته
ونزول راس الياهل لاخر شي
والزعفران يهيج الرحم يعني يفتح بدون الم
وطبعا هالاشياء تساعد في تسريع موعد الولاده
يعني نص التاسع انتي مربي بأذن الله
ويوووم الطلق قبل ماتطلعين من البيت وقت ما اييج الوجع
اخذي نفس عميق جدا وتنفسي
يخففف الالم
وعلى طول اترسي البانيو ماي دافي حار واقعدي فيه عالاقل
ربع ساعه
و من تخلصين اشربي ملعقتين عسل وتمر كبار وخذي معاج
كووب مشروب الزعفران واشربيه طول الدرب وانتي رايحه المستشفى
وخلج على طريقة النفس العميق لما اييج الويع
وطبعا اولا واخير كثرة الدعاء وقراءة الايات
والله يسهل عالجميع