كيف اعرف انه وقت الولاده؟!!!!!

السلام عليكم امهااااات اشحالكم عساكم بخير شرات ما بيبين عندكم فالتوقيع خلاص على نهايات التاسع و بكر و خايفه ادعولي ان الله يسهل علي

حابه اسالكم كيف اعرف ان هالويع الي فيني هو ويع الولاده ؟ ربيعتي تقولي شرات ويع الدوره الشهريه و تكون فالظهر بس انا يوم تييني الدوره الشهريه الويع عندي فالبطن اكثر من الظهر بواااااايد !!!!

و هل لازم ينزل الماي ولا مب شرط ؟

و اذا في شي تقدرون تنصحوني فيه يسهل ويسرع الولاده لا تبخلون علي ترى ما بقى شي على الاسبوع الـ40 و انا خايفه يسولي طلق او يقولولي عمليه

والسؤال الاخير البيبي راسه تحت بس ما احس بطني نزلت لين الحين بعدها فوق !!!! متى تبدى البطن تنزل ؟

جزاكم الله الف خير على المساعده

هلا الغاليه انا مربيه من تقريبا 3 شهور و ماكنت اعرف شو الالام و يقولون راس البيبي تحت بس ماحس ابدا و يوم اسال الوالده تقول لا تستعيليين بييج الالم و بتعرفين و كملت الحبيبه 40 اسبوع و بعده ماشي بوادر و رحت ع الرحبه فليل قالوا لي مب فاتح ولا شي و لازم نسويلج طلق و جان اخترع و قلت لا بتريا مع اني كنت ابا اولد اليوم قبل باجر و الصبح رحت عياده الامومه الي تابعه حق الكورنيش و فحصتني الدكتوره و شافت انه 2 سم فاتح و سوت تحريض >> توسع باصبعها
وانا من الزيغه اقولها تريي بس دقيقه بس دقيقه و ضحكت قالت شو دقيقه ها ماتحملتيه عيل شقا فالولاده قلت لها بس خلاص مابا وطلعت و حددوا لي موعد عقبها ب 3 ايام ما اوعى انه بعد ماطلعت و انا احس بالم خفييف شرات الدوره يروح و يرد و المغرب رحت الكورنيش بعد ما الالم اشتد و قالوا فاتح 3 سم يالله فوق و تميت 3 ايام طلق خفيف ع متوسط و مافتح اكثر من 4 سم و اخر شي حطولي ابره فالمغذي و ربيت

الله يقومج بالسلامه يارب و يسهل عليج و يحفظ لي ولدي و عائلتي يارب

انا كانت تيني الانقباضات على فترات قبل الولادة بيومين
وبعد تنزل افرازات صفرا

شوفي حبيبتي مب شرط يصب الماي
يمكن يطلع دم او مايطلع شي
بس الويع قوي فالظهر والبطن وتكون متقاربه كل 5 دقايق ومرات ييج رجفه تحسي انج بردااانه
والله يسهل عليج يارب

أُلَلًهًمِ أِنِتّ رّبّيً لًأِ أِلِهَ أَلُأِ أَنًتُ ، خٌلُقُتًنُيّ وّأِنّأِ عّبّدّڳَ ، وِأُنًأٌ عًلِى عّهًدُڳِ وَوّعًدًڳً مِأَ أِسٌتُطٌعُتِ، أِعُوٌذُ بُڳَ مٌنّ شَرٌ مُأًصِنّعّتٌ ، أًبٌوّء لّڳّ بٌنًعِمُتُڳّ عُلًيّ وًأُبُوِء لًڳَ بًذِنٌبَيً فَأِغٌفَرٌ لُيَ ، فَأَنِهّلِأِيّغِفِرِ أُلّذَنٌوَبٌ أُلِأُ أٌنُتً

الله ييسر امرج اختي يجيج وجع مثل ما قالوا لج البنات من الظهر كل ساعه ثم كل نص ساعه وهكذا اللام يزيد الى ان يصل الالم في التقارب اخر شي يكون الوجع كل دقيقتي ويسمى الطلق وبعدها سيفرج عليج الله باذنه تعالى اكثري الاستغفار وقت الالم وقولي هذا بذنبي ربي اغفر لي الله يوفقج اختي