شحالكن حبيباتي
خواتي انا عندي موضوع شاغل بالي اليوم
من الاسبوع كنت عند دكتوره بشيره وقالتلي اني حامل ست اسابيع ويوم
وعطتني موعد تاريخ 23 يوم الاثنين عشان النبض
بس اختكم .. ملقووووفه الا تبا اتجيك … جان اسير عياده اللي في دوامنا وسووولي سونار اليوم على اساس اني الحين الاسبوع السابع
جان اتقولي حبيبتي انتي حامل خمس اسابيع بس !!!!!
والمصيبه انها كاتبه في تقرير اقل من خمس اسابيع
حبيباتي والله خايفه مب عارفه شو اسوي … ممكن الحمل يتغير جي ويقل كمن اسبوع
السونار يحسب ع حجم الجنين
بس الدكتوره تحسب ع حسب آخر دوره عندك
وان شاء الله ع تقدم عمر الحمل يبين معك عمره احسن
ربي يكمل عليكي بالخير يارب
انا مجربه جهاز دكتورة بشيرة واحس جهازها يكبر
كل ماتفحص الجنين اتقولي ضخم وحجمه كبير بس سرت كذا عياده وكلهم يقولون لي حجمه طبيعي ومب كبير
وبيني وبينج جهاز بشيرة جديم بس الحلو فيها تعطيج اجازات مرضيه
وربي يثبت حمــلج ويسهل عليج ولادتج
الأهم كل جهاز يختلف عن الثاني و لا تحاتين احسبي من اخر دورة وبتعرفين موعد ولادتج
وفيه موضوع في القسم تقدرين تعرفين انتي في اي اسبوع
لما ان شاء الله بتكونين في الشهور الاخيرة بتلاحظين موعد ولادتج يتغير في السونار وهذا نتيجه تغذيتج اذا اوكيه بيتقدم الموعد اذا لا بيتأخر فأهم شي اهتمي بتغذيتج و اكلي اكل صحي وما عليج من رمسه الحريم لما يقولون لج اكلي عن شخصين هذي المعلومه غلط اكلي اكل صحي وبانتظام وكثري ماي وسوائل وسلطات وشربي حليب لو ما تحبينه لانه الكالسيوم بتحتاجينه وايد صح فيه حبوب بس ما يتعوض عن الطبيعي… نصيحه اتشمسي الصبح حتى تكتسبين فيتامين دال لج وللجنين
الله ييسر حملج وولادتج وتقر عينج بشوفه ضناج