في وايد منا ما يعرفون شو هي الخلطات والاعشاب اللي تسهل عميلة الولاده
اتمنى كل وحده فينا تخبرنا شو خذت اول ما حست انه فيها طلق وسهل عليها الولاده عشان الكل يستفيد …
اتــــــرياكـــم
تسلمين اختي الغالية على طرحج للموضوع..
انا صار لي شهر واسبوع امربيه… والحمد لله هذا حملي الثاني بس جربت ثلاث اشياء اتسهل الولادة والحمد لله ربيت بسرعة وبدون تعب ..
ملاحظة: هالاشياء لالالالازم تاكلونها قبل الولادة بجم يوم مب قبل
زيت الخروع: وانا خذته على نصيحة الدكتوره وهي الي عطتني ايااااه . علبة صغيرة تاخذين النصف وتخلطينه مع اي عصير انتي اتحبينه (على فترتين مثلا الصبح نصف الغرشة و العشا النصف الثاني ) قبل الولادة بيوم
الاناناس: على حسب ماسمعت انه مب زين تاخذه الحرمه في بداية الحمل(يسقط) انا علشان جيه خذته في نهاية حملي.
التمر السعودي: وهالتمر وااااااااااااااااااااااااايد يمدحونه….. واااايد حريم جربوه والكل يمدحه( الصراحة ماعرف اسمه بس شكله ناشف ولونه اسود) يمكن حد من الاخوات تعرفه وبتفيدج
والله يسهل على كل حاااااااااااااااااااامل ان شاءالله
والسموحة على التقصير
بس ابغي اعرف من وين اخذ التمر السعودي ؟؟
المشاركة الأصلية كتبت بواسطة أم شامة 
كيف قبل الولاده بيوم!!؟؟ كيف تعرفين انج باجر بتربين!!؟؟ الولاده وقتها مب ثابت!!
والله يسهلها على الجميع يارب
عالساعة 8 بالليل ياني الطلق وشربت قرفه مع شوية عسل وبعد رحت أمشي وربيت الساعة 12 وكانت الولادة سهلة طبعا معع قراءة آيات تسهيل الولادة
وان شاءالله هالحمل بسوي نفس الشي