السلام عليكم ورحمة الله وبركاته
بنات دام ان ما بقى عن ولادتي شئ غير 3اسابيع تقريبا
حبيت للي عندهم خبره و درايه
بكل شئ اقدر اسويه من العنايه ب
تنظيف الرحم و در الحليب و شد ترهل البطن و التخلص من الكرش و التحام الخياطه و الاهتمام بالمنطقه اللي تحت حتى تلتئم الجروح
و شو اقدر اسوي لجسمي من اهتمام صحي و جمالي و نفسي
صحي وضحت لكم شو ابغي
جمالي
انتوا عطوني جداولكم
يعني ابغي اتخلص من الكرش و الترهل والخطوط الحمرا و البنيه والبيضا
و اسمرار البطن و الكوع و الركب وتحت العين وحول الفم
تنظيف الويه والجسم الخ
شو الاشياء اللي تستخدمونها ومتى تبدون تستخدمونها واتمنى توضحوا لي شو الاشياء اللي ينفع اكلها او اسويها من اربي او بعد فتره يعني بالتفصيل الممل
واللي ما عندها شئ تعطيني روابط المواضيع اللي بتفيدني
وجزاكم الله خير
انا والله بعد ولادتي ما مداني اسوي شي
لاني حملت بسرعه((ماشاء الله))
يالله ومنكم نستفيد
واشرب اشيااء حاره عسب تدر الحليب
والاكل ماتغير فيه شي اللهم انه بعد الولاده انسدت نفسي وماصرت احب آكل كله بالغصب
والخياطه احط لها ميبو ,, وآكل مضاد حيوي عسب مايستوي التهابات
البشكااره كل يوم تسوي لجسمي مسااج بزيت الزيتون الدافي,, واستخدم زبدة الكاكاو من بالمرز عسب التشققات
طبعا لازم تبتعدين عن المشروبات البارده وانتبهي توقفين جدام المكيف وانتي مكشوفه ودايما خلي ريولج مغطايه بزلاغات وامشي ع الرخام بنعال وانتي بكرامه
اتمنى انج استفدتي ^^
وشكرا خاصه لام رشود لاضافتها الطيبه
هل من مزيد
الله يسهل عليج وعلى جميع الكروشات يارب
انا استخدم الحصا الساخنة بدل المطارة لانه المطارة سمعنا عن مشاكلها وايد .. اشربي اشياء ساخنة مثل الحبة الحمرا+الحلبة+الينسون
أنصحج بالغذاء الصحي مثل التمر والفواكه المجففة والخضروات والفواكه والمكسرات والشوربة واللحوم والحليب والاكثار من الماي والسوائل ..
المكسرات تسبب غازات شوي لكنها مفيدة لادرار الحليب .. والينسون يطرد الغازات ..
دايما ادهني ويهج وجسمج وانتي فالاربعين قبل لا ترقدين بفازلين او زيت زيتون لانه يرطب .. بصراحة بعد الولادة البشرة تجف والشعر يبدا يتساقط واهم شي الاهتمام بالنظافة الشخصية ..
الوحدة فالاربعين احيانا تحس بضيج او اكتئاب وملل .. عليج بأذكار الصباح والمساء والرقية الشرعية والادعية المأثورة … اذا ما ترومين تقرين شغليها عدالج فالغرفة..
وممكن هالرابط يفيدج بعد
https://forum.uaewomen.net/showthread.php?t=778439
