الزكام ذابحني

السلام عليكم ورحمة الله وبركاته

خواتي الغاليات ، صار لي ثلاث ايام اعاني من الزكام مب قادره اتنفس خشمي مسدود… واللوز منتفخه … وعندي صداع …. ومليت من العيادات ما ابي ادوية…

حد عنده علاج ومضمون لحالتي لاني تعبت …. وعلى فكرة ترى انا حامل بالشهر الرابع…

سوي لج شوربااات وحطي فيه فلفل اسود واترسيه ليموون وإن شالله خيــر….

وترومين تسوين لويهج حمام بخااااار بالفكس او بالنعناااع اوكيه بعد…..

سولج ماي دافي وعسل

مشكورا تخواتي وان شاء الله اليوم بجرب اللي قلتوه

انا كنت مثلج
وصفت لي الدكتوره فيتامين سي فواااار
والله روعه وطول الحمل وانا استخدمه من الشهر الرابع لين هاللحين
ادعيلي يسهل علي ربي الولاده وبشريني بالنتيجه

أنا بعد شراتج من أمس خفيف واليوم زيااادة
وأحس مب مزجمة بس خشمي منسد بس وااحد ..وقاعدة أشمشم الفكس الحار مال الخشم
الله يسهل علينا انشالله

سويت البخار الحمد لله بالفكس والحمد لله ارتحت شوي… مشكوووووووووووره
وبعد سويت فكس على ريلي ولبست جراب بنام وبشوف النتايج وان شاء الله خير…

يمكن باجر اجربه مشكوره

مشكورة الغالية ، اذا ما فادت الاشياء الطبيعية راح الجأ للفوار… والله يسهل ولادتج وولادتي وولادتك كل حامل…

الله يشفيج وانا بجرب نصايح البنات واذا استفدت بخبرج….