كيف الحال ؟؟؟ عساكن بخير
بغيت اتخبركن عن مستشفى الجيمي ادري انكن مابتقصرن
انا اول مره ربيت في الواحه كان الحمدلله ولادتي ممتازه
ولحين انا حامل بالبيبي الثاني وخايفه اربي فالواحه من عقب التأمين والزحمه والاهمال
خاصه اني سمعت عادي يربن الحريم عند الستاير من كثر العالم والله ماسوو خير في هالتأمين
مادري خايفه اربي هناك افكر اسير مستشفى الجيمي
خبرني اللي مربيات فالجيمي شو رايكن بعناية البيبي والخياطه والوضع كامل بشكل عام؟؟؟
بليييييييييز لاتبخلن عليي لاني هالايام افكر اسير افتح ملف مابغى شي عشان اربي
اترياااااااااا الردوووووووووووود …
wal7een 7amel fel thaane maadree weeen arabeee fe tawam wala al wa7a wala al jemee
bs galole enah el jeme 3adaloo el ‘3oraf 9arat 7elwa o morataba
والله يسهل عليج وعلينا يارب ..
بس انا مايهمني الغرف ذاك الزود خاصه انه فتحو القسم الخاص يعني مب مشكله انشـــالله
بس انا بغيت اتخبر وقت الربه كيف معاملة الممرضات وياج وكيف الولاده ومن هذا ؟؟؟
بليييييييييز اللي مجربه لاتبخل علينا بالرد
طمنتيني على معاملتهم
الصراحه بديت اقتنع اسير الجيمي عن الواحه
وانــــــــشالله خير