هل لازم احس بالاعراض

سلام عليكم خواتي اشحالكم بغيت اسالكم ياخواتي حوامل …انا الحمدالله ولله الحمد حامل والحين تقريبن ف اسبوع 10 …قبل اعرف اني حامل كنت احس الم في صدري وصدري كبر ..كنت احس مول مالي خاطر اكل شي والحين الحين مالي خاطر يالله اكل خبز ولبن او خبز وجبن لاني ماروم اكل احس بلووعه اذا اكلت اي شي ثاني ….بس الحين ماحس بالم ف صدري …اسمع يقولون وحده تحس بالم صدر من عقب شهر 5 او 6 …بس انا حسيت في بدايت حملي والحين خف الم …حتى ما ارقد يقولون الحامل ترقد وايد وانا مول ما ارقد ..هل شي عادي والحمدالله ماحس بدوخه ولا ارجع ..بس احس بصداع مرات ….هل لازم احس بكل اعراض وله عادي مب لازم ….اكون خايف ساعات ع البيبي ..اخر مره سرت مستشفى قالت دكتوره الحمدالله بخير البيبي ونبض زين بس انا اخاف ودي كل يوم اسير اطمن ..وقالت لازم ما امشي وايد ولا اتحرك ولا اشل شي ثجيل ولا يصير جماع ..لانه وايد نازل البيبي …الحين انا خايفه ,,بس ماقول غير الحمدالله ….اسمحولي طولت انشاءالله تجاوبوني

الاعراض والوحام يختلف من شخص لأخر ..

ومب كل وحده نفس الشي .. يمكن انتي ما تتوحمين عالرقاد ! ..
واذا عن الالم فالصدر .. عادي .. انا فالبدايه كنت احس بألم .. بس الحين احس بحكه >< وماحس بألم ..

ونصيحتي لج .. كلي زين .. لان الياهل محتاج .. و ريحي نفسج

عادي فديتج لا تخافي وربي بيحفظ لج الجنين والحمد الله طمنتج الدكتورة
لا تفكري وااااايد لانه مو زين بتعبي وبتتعب نفسيتج وهالشي ما زين للبيبي
قد ما ترومي استانسي علشان يظهر بشوش
الله يقومج بسلامه ان شالله

مبروك حبيبتي….أنا بعد حامل في أسبوع 27 و مثلج لما كنت في بداية الحمل كنت احس بألم في صدري وايد بس الحين احسن. اما عن الرقاد كنت ارقد وايد صراحة حتى رايلي كان يقول اني ارقد كل ساعتين. المهم ترا مو كل الحوامل نفس شى. و خوفج على بيبي عادي بس حاولي ما يكون بزياده. على فكرة بعد ما تكملين 16 اسبوع الوعة بيختفى أن شاء الله. والله يرزقج بلذرية الصالحه.

عادي فديتج لا تخافي وربي بيحفظ لج الجنين والحمد الله طمنتج الدكتورة
لا تفكري وااااايد لانه مو زين بتعبي وبتتعب نفسيتج وهالشي ما زين للبيبي
قد ما ترومي استانسي علشان يظهر بشوش^^
الله يقومج بالسلامه ان شاء الله.

مشكوره اختي وماقصرتي انشاءالله بحاول اكل زين والله ودي بس مول مالي نفس ….ويزاج الله الف خير وربي يثبت حملج وتفرحين بشوفت البيبي

تسلمين اختي عنود ع نصيحه انشاءالله بستانس عشان يطلع بشوش ,,,ويزاج الله خير يالغاليه