ساعدوني الله يخليكم الحكه بتذبحني :(

خواتي فديتكم انا حامل بالاسبوع 11 من الحمل و من شهر وانا اعاني من الحكه ما اقدر انام من كثر الحكه رحت لطبيبة جلدية عطتني حبوب اخذها بالليل قبل ما انام ولا نفع و بعدها كتبتلي مرهم ولا فاد

الله يخليكم انصحوني والله ميته خوف على حملي طمنوني ربي يخليكم

مما ادري والله

انا دخلن لامي نفسج خخخ
والله جسمي كله يحجني وما اقدر الا احجه

الله يكون بالون

استخدمي زيت زيتون مقري فيه ودهني جسمج كله (عن تجربه)

وماتشوفين شر ان شاء الله

هاي حساسيه تصيب الحامل عادي ما تخافين انا صار لي مثلج وللحين اعاني وقطعت جسمي بس رحت لدكتورتي قالت لي عادي هاي حساسيه حمل عاديه ولازم تتحملين وماتاخذين اي ادويه ممكن تضر البيبي فانا عن نفسي احسن حل كنت اسبح بماي حار وعقبها بااااارد ووياه ماي ورد ها يبرد جسمي حوالي ساعتين ما احس بحجه واايد وعقب احط زيت اطفال ومو زيت زيتون لانه ينشف احس احط بيبي جونسون او زيت لوز واحط زبده الجسم احس ارتاح شوي وتخف الحكه

وبعد استخدمي زيت أطفال، أو أي كريم مرطب.. المهم ما تخلي بشرتج تجف.. وهالشي طبيعي بالنسبة لي ف كل حمل..
وان شاء الله تستفيدي…

نفس المعاناة .. الله يعينا ..

الله يكون في عونج
أنا هالحساسية صابتني قبل ولادتي ب 3 أيام بس وشو سوت فيني؟؟؟
مع اني حملي القبلي ماصابني شي….
هههه حتى أذكر يوم كنت أحج وأحج ريلي قام بعد يحج…سوالفنا ما تخلص احنا الحوامل
الله يعافيج الغالية