خواتي انا عمري 24 وبعرس قريب ان شاء الله
بس انا وزني 130 و طولي 180 المهم ما يبين علي لان انا طويلة
انا الدورة مش منتظمة عندي من زمااان ومستحية أسير عن الدكتورة بس من سنتين تقريبا وحدة من ربيعاتي نصحتني اخذ حبوب اسمها Primolut N
والصراحة عقب ما اخذها بالكثير اسبوع وتنزل الدورة مع اني اخذ حبة وحدة وبس .. بس انا قريت عالنت ان لازم عالاقل اخذ 3 حبات فاليوم ..
في شهر نوفمبر يتني الدورة مال يومين وضعيفة هب شرات قبل وبس ..
انا بصراحة خايفة هالشي يأثر علي عقب العرس .. وخايفة اسير للدكتورة في نفس الوقت انا وايد استحي وماعرف شو اجراءات الفحص وهالسوالف
بليز افيدوني ولو في بنت نفس حالتي وتعالجت ياليت تفيدني
والسموحة طولت عليكن
روحي ولاتاخذين ادويه بدون استشاره مب زين حبوبه ..
هذي مب اي حبوب
داما حبوب تخص الدوره وجي لازم ما تاخذينها بمشوره حد
مب زين
روحي عند دكتوره وان شاء الله ما فيج غير العافيه
عسى ربي يتمم لج على خير وزواج سعيد ان شاء الله
شوفي وزنج على طولج مب مناسب وعسب جي تتأخر الدوره
وغلطتي يوم انج خذتي دوا بدون استشاره دكتوره
ودري الحبوب هاي
وروحي لدكتوره تكون اوكي من الحين قبل لا تعرسين
لانه سبحان الله يمكن يكون السبب وزنج او شي ثاني
ربي يحفظج ويوفقج الغلا