انا مابا اشهر في المستشفى واسوي له دعاية
بس بصراحة بعد اللي صارلي لازم الكل يعرف مدى هبوط استراجيتهم وتهاون اطباءهم وقلة معرفتهم وتهاونهم وتفانيهم في العمل
في فترة حملي جربت جميع انواع الاذلال والتأخير بسبب الفحوصات الروتينية والحمدلله ما كانت عندي مشاكل فما كانت عندي مشكلة
وفي الشهر التاسع تأخرت عن موعدي بـ 5 دقايق فقط وطبعاً في ناس قبلي يالسين في الانتظار
يعني تأخيري 5 دقايق ما يعني اي شي جدام هالزحمة
يعني هم بيأخروني عن موعدي نص ساعة لين ادخل عند الدكتورة
طلعت الدكتورة للرسبيشن وقالت انا ما راح استقبل اي وحدة بعد الوقت الفلاني
… يعني انا
واللي في الاستقبال قالت لي اسمحيلي ما بسجلج لان مثل ما سمعت الدكتورة ما راح تستقبلج
وكان اخر موعدلي والله بيفكني من اشكالكم بس فكوني
لاني كنت فالشهر التاسع
المهم دخلت عالدكتورة وزوجي دخل معاي وقال لها بتدخلين زوجتي عندج ولا لأ؟؟؟
قالت اسفه بعد شوي ينتهي موعد دوامي
قال لها زوجي اوكي لو تشتغلين (——) افضل لج
وما رحت على آخر موعد قلت بس اللي ياني كفاية منهم ومن مواعيدهم المذلة
وطبعاً يه موعد الولادة
ودخلت الطوارئ وعطوني الكرت الاحمر المستعجل غير قابل للانتظار اكثر من 2 دقيقة ههههههههااااي
ويلست اتريا ساعة كاملة بالطوارئ وحولوني على غرفة قبل الولادة من الساعة 7 الى 12 وانا اتريا سرير للولادة
كأن يايين نشرب شاي وقهوه عندهم المهم
نزل نبض الطفل الى 63 من بعد ما كان والمفروض يكون 200 دخلوني غرفة الولادة بأسرع وقت
والحمدلله يبت اول ولد قيصرية بفضل تأخيرهم ونزول نبض الجنين من غير ملاحظتهم لان الرحم عندي ما كان ينفتح وهم ولا يدرون شو السالفة
المهم الحمدلله الحين ولدي عمره سنة ونص
ومن فترة مرض ولدي لوز وحمى
رحت لهم الطوارئ
كالعادة عالانتظار وولدي درجة حرارته 39
دخلته عند الممرضة وبعدها طرشتني عند الدكتور::: وكالعادة الانتظار
المهم دخلت عند الدكتور والولد يصيح خايف لان من فترة ظاربينه ابره
قال الظاهر فيه لوز (الظاهر)
وكتبله ادول وتحميله وزيرتك
طبعاً رجعت البيت وعطيته الادوية ولا نفع شي لان ما عطوني مضاد حيوي للوز وزيرتك يخفف التهاب الانف
المهم الصبح نشيت وشفت الولد ما تنزل حرارته والادوية ما تنفعه بشي عطيته تحميله ونام وحرارته ما تخف
ونش الولد يصيح من النوم وحرارته وصلت حدها وتشنج على طول شليته وسبحته وخذته على عيادة اطفال خاصه
قال الدكتور بعطيج تحميله اقوى وعطاني مضاد حيوي حق اللوز
ونصحني الدكتور ان اعطيه التحميله بين مواعيد الادوية اذا ما نزلت حرارته
والحمدلله خلال يومين خفت حرارته وارتحت نفسيا دون احتياجي للتحميله
المرحلة اللي وصل لها الطفل للتشنج منو كان سببها؟؟؟
هل تشخيص الدكتور
ام الأدوية غير المجدية
ام اهمال مني انا كأم
أم قلة خبرتي والمفروض الدكتور ينصحني
ولا؟؟؟؟؟
الدولة مب امقصرة والله العظيم تدفع وتصرف يعني صيدلية المستشفى يمكن من افخم الصيدليات اللي شفتها وفيها افضل واغلى الادوية بس وين الخطأ؟؟؟؟
انا بصراحة تعبت
اترك لكم الموضوع
ولي عوده
والله انا يوم اتاخر اقووولهم بدخل غصبا عنكم انتوا تخيسوووني نص ساعة واكثر ما نقول شيء ادخل والله وما اسويلهم سالفة
ومرة سرت الطواااري ولدي محموم وقالو زحمة عدنا وما نقدر ندخلة ودية العيادة قتلهم مب ظاهرة وبدخلووونه غصبا عنكم
ويابولي العلاقات وما سوتلي سالفة
جان اتصل في الدكتور عبدالله الخياط مدير مستشفى الوصل شخصيا وقتله هااي مستشفى حكوومي وجذا ننذل نحن المواااطنين ووووووووووووووو
قالي عطيني الموظفة مالت العلاقات ورمسها واطالعتني باحتقار وجان ترمس الدكتور ودخلني واهتم بعد
انا اجلب المستشفى على راسهم
ويوم كنت في الولادة اهملوني ما اني احب مستشفى الوصل وااااااااااااايد واحب اربي عندهم لان افضل مستشفى توليد الحق ينقال
بس الغلط من الموظفين والنيرسات اخرووني وربيت وما سووولي خياطة وكانوا شاقيني لين ورا
نسوني تخيلو 3 ساعات لين المكان برد وبعدين ريلي هزبهم وجلب المستشفى على راسهم وطلب دكتورتين بدل الوحدة وقال خلال 10 دقايق تخلصووون الموضوع
والله من قهر النيرس رضتني بالشبرية على الايدار لان ريلي نازعها ويوم عورتني تخيلوا مربية وجسمي يعورني وحد يرضني على الايدار سار بيضربها طبعا يتفاتن بالانجلش
وقالها والله لا اضربج انا اليوم تعالي صوبي انتي وجان تشرد ههههههههههههههههه
بس بعد اقوول النيرسات مخربين سمعة المستشفى
قبل 4 سنوات كان وااايد زين ويهتمون بالمواطنين بس الحين للااا وألف لا لووووول
أدفع ولا أنذل
بس اللي ما يعجـبني فيهم .. انهم يذلوونج ذل لين تدخــلين عالدكـتورة … واغلب الدكاترة ما يرمســون واذا سألتــيهم ما يردوون عليج عدل …. او يردوون عليج بشـكل عام وما تعرفين شوو فيج بالضــبط …
والطوارئ نفـس الشي .. لو كان زحــمة عادي تتريين ساعتين واكثر
وبنتي تراجـع عندهم حق العـلاج الطبيعي والمهــني ووايد مرتاحه معاهم .. وما شاء الله عليهم يردوون على اســألتي وكل شي