بنات انا اليوم سرت اشتريت المره من كثر مايمدحونها البنات ف المنتدى بس للاسف
نسيت طريقة استخدامها كيف …فياريت اللي عندها فكره كيف استخدمها ماتبخل عليه
لان انشاء الله ناويه استخدمها عقب الربى باذن الله …..
وهل عادي استخدمها وانا حامل
وشو فوايدها
بليز افيدوني بارك الله فيكم
والله حبيبتي مالي اي فكره عن هالشي ..
واتمنى البناات يفيدوونج .. واستفااد اناا بعد ..
المشاركة الأصلية كتبت بواسطة قلب ريلي 
والله حبيبتي مالي اي فكره عن هالشي ..
واتمنى البناات يفيدوونج .. واستفااد اناا بعد ..
اتمنى ياختي وااايد سمعت عنها
وانشاء الله البنات يفيدونا
شاكره لج مرووورج
للرفع
يسوون الحريم أول الكبو وهو
وابسط المكونات
قشر بصل
كمون
مره ..
والطريقه للكبو
تجبين صحن فاضى قديم عندك مانتى بحاجه له
وتغلفينه بقصدير
وتحطين فحمه على النار
وتحطين الفحمه بالصحن
وتحطين الصحن بالكرسى الافرنجى بالحمام
تنزلينها تحت
وتنزلين الكلوت
وتجلسين على الكرسى عادى كانك بتقضين حاجه
بدون بطانيه او شرشف بس يكون ثوبك طويل وضافى
مو قصير والهواء يدخل منا ومنا …
بس
تطفين مروحه الشفط الحمام
او شباك مفتوحه
تقطعين وسائل التهويه
وتجلسين لحد ماتخلص الفحمه وتطفى
ومن الخطوات
قبل تجلسين
تتبولين اول
تكون المثانه مافيها بول
لان ممكن اذا جلستى على الفحم
ينزل منك نقط بول
وتفسد الفحمه عليك
ويطلع لك بخار مضر
وتقومين وتلبسين ملابسك الداخليه على طول
وسروال طويل
والافضل يكون الكبو اخر خطوه لك قبل تنامين
تروحين فراشك وتتلحفين بالبطانيه
وتنامين
الااذا كان معك وجع
او شمم بالنفاس
واعراضه
دوخه
وغثيان واستفراغ
ونبض مكان الجرح
الطبيعى من تحت
او القيصرى من العمليه
هنا تسوين كبو اكثر من مره باليوم
الكبو بالصحن افضل
لان المدخنه ممكن تكون مستعمله اول
وفيها بقايا دخون معمول
وهنا تزيد الماساه
الكبو معروف وزين حق الحرمة المربي سوييه زين
وآسفه على الإطالة