منوه تصارخ اثناء الولاده؟

مشكوورة الغالية ,,

الحمدلله والشكر اول ما قالت لي الدكتوره خلاص روحي غرفه الولاده ما باقي شئ قلت الحمدلله وطول فتره الالم كنت اذكر ربي وادعي للي طلبو مني الدعاء وكنت اردد يالله ساعدني ياربي ياربي وما شاء الله عليه كنت قويه حزتها مع انه معروف عني بالدلع بس الكل استغرب مني يوم شافني قويه ومتماسكه لدرجه انه خواتي خافوا يدخولون معاي قالوا هاي بتخوفنا اكثر وبتوترنا بس العكس كنت اقوى منهم ولله الحمد

وشكرا عالموضوع الحلو

الصراخ…اول شي ..
ماله فايده..بيتعب الوحده وبيهد حيلها ويوم حزتها ما بتروم تدفع عشان يطلع الياهل…
وبعدين فضيحه…يمكن يسمع صراخها ريال غريب…وهذا بعد حرام..
وبعدين بتزعج إلي وياها(الدكتوره والممرضات)وبتوترهم من الغصه والازعاج..
قولوا شو بتستفيد من الصراخ..ولا شي..الاحسن((الا بذكر الله تطمئن القلوب))وبعد((قل ادعوني استجب لكم))
انا عن نفسي ما اصارخ والحمدلله…بس اقول يا الله ساعدني وسهل عليه…
حتى اهلي يتحرون صارلي شي في غرفة الولاده..يوم ما يسمعون صوتي…
ويزاج الله خير على الموضوع..

حامل بس بعدني ماجربت الولاده ان شاء الله ما أصارخ وبتم أذكر الله سبحانه يسهل عليه وعلى جميع الحوامل..

الحمد لله ذكرت ربي طول الوقت واللي محد صدقة اني ربيت اول ولد بروحي كنت بس انا زوجي والله عن تجربة
كل ما اصرخ احس اني اتعب بس كل ما ادعي ربي يخف الالم وما في احلى من انج تربين من دون محد يعرف سبحان الله الله ييسر وهذاك اليوم محد في المستشفى من دكاترة وممرضات الا وزارني مستغربين وحدة اول مرة تولد وبروحها رديت عليهم الله يخلي زوجي ويحفظة وغناني عن الناس كلها بوجودة يمي