كل عام ونتوا بخير ^_^
1- بنات فديتكن بغيت رايكن شو احسن مستشفى في العين
انا الصراحه اراجع عند الواحه و توام في نفس الوقت
و حاليا محتاره وين اربي ….
شو رايكم انتو ؟؟
2- و بعد بسالكن عقب الربا كيف تخوزن الكرشه ..
رياضه ولا مشد اندونيسي و كيف شكله و كيف تلبسنه
هل هو ينفع و يساعد على تخفيف الكرشه ؟
و مافي مشروبات مثلن الجاهي و الحلبه و
هالسوالف اتساعد في هالشي ؟
3- و آخر سؤال عن البقع و العلامات اللي يسببهن
الحمل .. انا لاعت جبدي من كرشتيه احس لونها متغير
غامجه لونها مب شرات باقي جسميه ..
و بعد ويهي و رقبتيه احسهن مسودات
شوو الحل حق ها المشكله ؟
سمحولي بنات طولت و ثجلت عليكن بالاسئله
اللي تقدر تفيدني يزاها الله خير ولي ما تقدر
اتسدني منها دعوه حلوه ربي يسهل عليه
و يقومني و البيبي بالسلامه
و تشكرات ^_^
ثانيا الكرشه الله ايسلمج اتخوز يوم بتخفين اكل بنسبة 80% يعني انا كان وزني بعد ماربيت 66 والحين رديت وضعفت شرات ايام العرس واستو وزني 55 بعدي عن العيش شربي شوربه فيها خضار ودياي مشوااي هالسوالف يعني
بالنسبه للون الكرشه والرقبه يبالها اعتنا بس هي اتخف بعد الربا واااااايد وحاولي انج بعد الربا تفركين الاماكن السودا بليمون وزيت زيتووووون
والسمووووحه ع الاطاله
بس نصيحة لوجه الله لا تربين في مستشفى توام .. انا كنت اراجع عندهم ولاعت جبدي من وساخة المستشفى في قسم الطوارئ بالذات ومافي استعجال هذاك اليوم انتظرنا ساعة كاملة لين توصل اخصائية الاشعة عشان حضرتها مروحة البيت !!!
مشكورات ما قصرتن ^_^
وان شاء الله تقومين بالسلامه
تسلمين فديتج ع المشاركه ^^