إشحالكم حريمات… إن شالله يخير وعافية …
بغيت اسألكم عن زيت الخروع ولو سمحتوا ردوا علي ضروري ..
أختي لازم تولد اليوم أو باجر… هي ما فيها آلالام ولادة لكن الياهل بيتضرر إذا ما ولدت .. وهم كانوا بيولدونها البارح لكن هي طلعت بمسؤليتها على أساس اليوم بتروح لكن هي ميتة من الخوف لأنهم قالولها إذا ما يتج الألام أحنا لازم نولدج بعملية … فهي تبا تشرب زيت الخروع … بس مو عارفة المدة إلي بتاخذها عسب تولد….
فلو سمحتوا إذا تعرف تقولي تقريبا جم بتاخذ لين تولد
ومشكورين يزاكم الله خير
انا مجربتنه وندمت لما خذته الحريم يتحرون المغص هذا انقباضات هاي مب انقباضات
الي يسويها الزيت امهاتنا ايقولولنا اشربو واشربو بس صدقيني ايتعب على الفاضي
خليها تشرب حبه الحمره اوزغتر او حليب بزعفران
والله بيسهل عليها وتمشي قد ماتقدر
انا خذيته يوم ربيت في بنتي
بس الصراحه كانت اصلا فيني آآلام ولاده وخذيته فسرع الولاده ولله الحمد
الله يسهل على اختج خليها تمشي وااايد وتاكل بيض وتمر ..
بس تدرين .. بنت عمي ما كان فيها ويع ولما شربت زيت الخروع صارت عندها آلالام ولادة ومن عقبها بساعة قليلة ولدت بتسهيل من رب العالمين ..
المشاركة الأصلية كتبت بواسطة قمرuae 
انا خذيته يوم ربيت في بنتي
بس الصراحه كانت اصلا فيني آآلام ولاده وخذيته فسرع الولاده ولله الحمد
الله يسهل على اختج خليها تمشي وااايد وتاكل بيض وتمر ..
مشكورة الغالية … انا بعد سمعت عن التمر …
وخاصه ان اكثر الحريم يشربونه بعد احساسهم بالويع يعني مب قبل وسبب لج انقباضات
يعني اصلا فيج ويع ورحتي زدتيه من غير داعي اما لو شربتي في وقت مب وقت ولادتج بتحسين بمغص واسهال وبس