اللي مجربين الطلق الصناعي ساعدوني

حبايبي انا اليوم قالولي لازم نعطيج طلق صناعي ..
موعد ولادتي 5/8/ …. وانا طوفت الموعد واليوم 7/8 قالولي تعالي
شو رايكم .. الطلق عادي ولا يلعوز انا محتارة ؟؟ اروح ولا ما اروح ؟؟
ما اعرف شو اسوي ساعدوني ..

اممم لو ماعليج شر انا اشوف اصبري .. بس لو حالتج تحتاي توكلي على الله تراه اهون من العملية مهما كان

الله يكتبلج تربين طبيعي بليا طلق

الغاليه اولا الله يسهل عليج ياارب …

انا جربت الصنااعي في حملي الاول .. ولاني مب مجربه الطبيعي .. واايد كاان الطلق الصنااعي حاااااااار …

اذا حاالتج ماتسمح تتريين توكلي على الله…

اللهم ثبت حمل كل حامل وقر عينهن بالطفل الصالح المعافي كامل الخلق والخلقهـ بدون زياده ولا نقصان و ترزق كل محرومهـ عاجل غير آجل يارب العالمين

الغالية إذا طوفت الموعد سوي طلق ….. عادي هو حار بس كان أوك على الأقل ما سولي عملية …. و لا تتأخرين مب زين الغلا …

مرحبا الغلا
مثل ماقالت القمزيه لو حالج مب تعبان وماشي خطوره عليج ولا على البيبي اتريي اسبوع
البكر عادي تطوف عن الموعد
وانا استخدمت الطلق الصناعي في اول ولاده لي لان السكر كان مرتفع ويخافون على الياهل
حطولي التحميله الساعه 6 المغرب وربيت الساعه 7 الصبح
يبدا مفعولها خلال ساعه او ساعتين على حسب قوة الجسم
واي استفسار انا حاضره

الغاليه المفروض يعطونج اسبوع بعد موعد ولادتج مب يومين لا تسيرين وتريي اذا طوفت اسبوع سيري … انا اخر حمل موعد الولاده كان 1 / 10 وعطوني موعد طلق صناعي 8 / 10 بس الحمد لله ربيت طبيعي بدون طلق 7 / 10 …

لله يسهل عليج وتربين طبيعي ….
خلي الدكتوره تصورج واذا الماي مب ناقص عند البيبي تريي ولا تسوين طلق

الدكتورة شافتني وقالتلي كل شي اوكى بس ما اادري ليش مستعيلين
وفالتلي الدكتورة راي الياهل نصه في الحوض ونصه فوق
والحينا امشي مرتين في اليوم ..
ادعولي الله يسهل علي ..واربي