السلام عليكم ورحمه الله وبركاته
خواتي الحوامل من منكم سوت عمليه ربط الرحم او سمعت فيها؟؟
اذا ممكن تساعدوووني وتشوورون علي
في اي شهر يسووونها وهل تالم وكم مدت العمليه
وهل ببنج كامل ولا؟؟ ومااثارها بعدين
هل تالم ماتساعد على الحركه ولا شوو؟؟؟؟
اتمنى حد يفيدني يزاكم الله خير
اختي العمليه اسوينها تقريبا بعد شهر الثالث يوم يبدا الجنين يكبر وظني بنج كامل واهم شي ما شي مجامعه ابتعدي عنه مول يوم بتدخلين الشهر التاسع بيفتوحن لج الربط وبتربين بسهاله يارب انا الصراحه قالولي لازم اسزي ربط بس ما سويت وتوكلت ع الله والحمدالله من دلخت التاسع ربيت لان ف ولادتي الاولي ربيت ف الشهر السادس لان لعنق الرحم انفتح عندي فقالولي لازم اسوين ربط ف حملج الثاني بس م اسويت واتبعت التعليمات والحمدالله انتي شوفي الدكتوره بس مرات الربط اختي ينفتح انا ما اخوفج كل واحد ع طبيعه الرحم عنده وان شاءالله الله يقومج بالسلامه يارب
اختي يسون العملية اذا كملت الحرمه ثلاث اشهور وتكون مسقطه من قبل مرتين او مره ولمن تدخل الشهر التاسع يفكون منها الرباط
هذا الي اعرفه وان شاء الله تلاقين احد يفيدك اكثر
مشكووورين خواتي
بس بعدني ابا معلومات اكثر
اختي ام السعدي شو التعليمات الي اتبعدتيها ؟؟ ياريت تخبريني
اختي ام منصور مشكوووره على الرد
للرفع
الغاليه أنا سويت عمليه ربط عنق الرحم في الوصل لأني سقطت قبل وقالولي عنق الرحم عندي قصير وكنت في الاسبوع 13 يعني في بدايه الرابع وسويتها بتخدير نصفي لانه اسلم للبيبي ووتميت حوالي نص ساعه لساعه في العمليات والحمدالله ماحسيت بألم بس بعدم راحه ونصحوني اخفف الحركه اول اسبوع وقالولي بيفكوه بدايه التاسع بس انا يتني آلام الولاده في بدايه السادس وسقطت
اللهم ثبت حمل كل حامل وقر عينهن بالطفل الصالح المعافي كامل الخلق والخلقهـ بدون زياده ولا نقصان
ويالله ترزق كل محرومهـ عاجل غير آجل يارب العالمين
اللهم ثبت حمل كل حامل وقر عينهن بالطفل الصالح المعافي كامل الخلق والخلقهـ بدون زياده ولا نقصان
ويالله ترزق كل محرومهـ عاجل غير آجل يارب العالمين
يزاج الله الف خير الغاليه
انتظر ردووور الخوات الباقين