عندي سؤال وايد محرج بس مهم ،،
أنا ولدت من شهرين وطبعا طفلي الأول ،، والحين وعقب مرور شهرين بدا يحصل جماع ،، وأنا خايفة من موضوع الحمل ،، خصوصا اني مابا أحمل إلا عقب سنتين او سنة ونص عالأقل ،، وريلي كلمته عن المانع قال لا عادي ما بيحصل حمل ،،
ريلي من النوع اللي ما عنده خبره في هالسوالف وفي نفس الوقت يستحي ،، والحين انا خايفة الصراحة يحصل حمل ،، فأسئلتي هي :
بعد الولادة متى ممكن يحصل الحمل؟؟ أنا طبعا للحين ما يتني الدورة ولا مرة،،
وشو أفضل أنواع المانع غير الحبوب لأني مابا آخذ حبوب،، فشو أفضل الطرق وكيف نسويها بالضبط لأني ما عندي برة في هالسوالف،،
انا قبل ما أسألكم سألت أمي بس أمي مال أول وعادي عندها لو حملت بالعكس هي تقول لي احملي ورا بعض أحسن،، تعرفون حريم أول وما تعرف وايد في الأمور الطبية
واسمحولي عالإطالة
) ..اتفقي انتي وريلج وخلو هالشي طبيعي بدون ما تستخدمون اي شي
اقولج هالشي عن تجربه والحمدلله عقب سنه وشهرين حملت بالثاني
انزين انا اعرف ان المانع الطبيعي أفصل شي
بس سوري عالسؤال ،، كيف أقدر اخبر ريلي ،، يعني كيف اقول له
هو ما يعرف جد والله ما يعرف وانا استحي اتكلم