انا وااايد محتاره .. ووايد خايفه ..
ولادتي الأولى .. ربيت في الكورنيش و تبهدلت بهدلة الله يعلم بها .. حتى اني ما اذكر يوم شليت بنتي ع حضني بعد ما ربيت .. كنت في حالة إغماااااء لين اليوم الثاني ..
والحمد لله على كل حال ..
الحينه ولادتي عقب كمن يوم .. والله كل يوم اصيييييييييييييح .. واايد خايفه .. متوكله على ربي .. بس نفسيتي تعبانه .. متعقده من الولاده الأولى .. حتى انه موعد ولادتي طاف .. واضني السبب النفسيه الصعبه ..
خايفه اربي في الكورنيش ..
وريلي يقولي وين ما تبين بوديج تربين .. اي عياده خاصه .. بس أهم شئ تكونين مرتاحه ..
وانا بيني و بينكم وايد اخاف من العيادات الخاصه مادري ليش .. يعني ما ارتاح ..
فحوده نصحتني اني اربي في مستشفى المفرق .. تقول واايد زينين و تكون استشاريه عندج حزة الولاده ..
ف شو رايكم شورو علي .. انا صليت استخاره .. بس بعدني محتاره .. وبرد اصلي اليوم .. بس اريد مشورتكم بعد .. لاني ما احس بشئ لين الحين
الله ياجرنا انا سمعت انه زين ويمدحووونه بس ما اعرف حد يقربلي راح
وفي بوظبي يمدحووووون مستشفى النووووور هو مستشفى خاص,,,ربيعتي ربت هناااك ..والحمدالله ^_^
وبيني وبينج مستشفى الكورنيش اختسووو قبل كان تعاملهم زين الحمدالله …
والراي يرجع لج اول واخييير
يمكن وقت الولادة تكون الدكتوره عندج بس بعد ماتربين بالسلامه .. محد يسأل عنج ..وجوها كئيب
وبالعكس ما أشوف شي في مستشفى الكورنيش عادي..
والله يسهل عليج ان شاء الله
انا بعد اسمع قصص ماساوية عن مستشفى المفرق…
ومستشفى الكورنيش ما انصحج ابدا ابدا تروحين له..
بس اذا تبين نصيحتي روحي مستشفى الرحبة…
واااايد اوكي تعاملهم… كل خواتي وحريم اخواني غيروا من الكورنيش والمفرق للرحبة…
انا كنت مع مرت اخوي يوم ولادتها بس ما شاء الله عليهم اهتمام كل ساعة ايون يشوفونها….
يعني اهتمااام حلو..
والله يسهل عليج ولادتج…