مثل ما قريتو العنوان أنا ناوية التزم وعزمت النية
ابا البس عباة راس واحفظ قرآن وأحضر ميالس ذكر
ابا ابا وايد أشياء اسويها لأن الدنيا ما تسوى نضيعها على تفاهات
في وايد أشياء في الدين بعدنا نجهلها وابغي اتلاحق على كل شي جهلته عن ديني
ابغي اعوض كل دقيقة ضاعت على مسلسل أو طلعة سوق أو فراغ.
ابغي اسجد سجدة تنغسل فيها كل همومي واحس اني اسعد انسانة في العالم بقربي من رب العالمين.
ابغي يوم أطلع مكان ما يبين مني شي حتى لون بشرتي أو لون عيوني أغار على كل جزء من جسمي.
ابغي يوم أمي تشوفني تقولي (( الله يرضى عليج )).
باختصار اعرف ان درب الالتزام صعب فهالزمن الخايس بس الله يسهل علي
ابغي اخوات وصديقات يعينوني على هالشي !!!!!
فهل من أخت تنتشلني من مستنقع الدنيا إلى قصور الآخرة !!!!!!!
حبيبتي أنا أول وحده ترد عليج وبعد أول بتوقف معاج أنا الحمدلل لبست عباة الراس من العام
ولبستها عن اقتناع شخصي ووايد مرتاحه وألبس نقاب وفوقه غشوه وألبس قفازات دلاغات.
تقربت من الله أكثر يوم احتجته في مصيبتي وصرت أقرى كل يوم سورة البقره..وما أترك أذكار
الصباح والمساء وأكثر من الاستغفار والصلاة عالنبي وطول ما أنا واعيه لساني أشغله بالأذكار
ولو مشغوله ….وماأنام قبل ماأقرى سورة الملك مثل مايقولون انها تحميج من نار القبر,,
وانشاءالله بنكون على درب الخير مع بعض والله يوفقنا على عمل الخير..
وانا ثاني وحده معاج
الى الامام موفقه
ويرزقج رضاه وطاعته وتوفيقه ،
ويسعد قلبج في الدنيا والآخرة
مافي أجمل من التقرب لرب العالمين ،، بوقتها تصير كل الأمور " بخير " وفيها خير ،،
ربي يهيئ لج الأسباب اللي تعينج على طاعته ،،
وأي شي لاتترددين ، بكون سعيدة بالتواصل وياج
ويرزقج رضاه وطاعته وتوفيقه ،
ويسعد قلبج في الدنيا والآخرة
مافي أجمل من التقرب لرب العالمين ،، بوقتها تصير كل الأمور " بخير " وفيها خير ،،
ربي يهيئ لج الأسباب اللي تعينج على طاعته ،،